गर्लफ्रेंडला प्रपोज करण्यासाठी एका तरुणाने डिस्कोथेकमध्ये मित्र, मैत्रिणींना बोलावले होते. तिला प्रपोज करताना अचानक लाईट गेली, जोशात असलेल्या तरुणाने प्रपोज केला आणि लाईट आली, तोवर मोठा घोळ झाला होता.
गर्लफ्रेंडला प्रपोज करताना चीनमधील एका तरुणासोबत हा प्रकार घडला आहे. याचा व्हिडीओ सोशल मीडियावर वेगाने व्हायरल होत आहे. हा तरुण हातात फुलांचा गुच्छ घेऊन आला होता, त्याचे मित्र, मैत्रिणी आजुबाजुला उभे होते. तो प्रपोज करण्यासाठी गुडघ्यावर खाली बसला आणि प्रपोज करणार तेवढ्यात लाईट गेली. त्यामुळे तो भांबावला आणि उठला व दुसऱ्याच तरुणीचा हात हातात घेऊन प्रपोज करून टाकला. तेवढ्यात लाईट आली मग काय...
14 नोव्हेंबरच्या रात्री चीनच्या जिआंगसू प्रांताच्या लियानयुंगंग शहरातील एका विद्यार्थ्याचा हा व्हिडीओ व्हायरल होऊ लागला आहे. वृत्तसंस्था Baidu नुसार विश्वविद्यालयाच्या विद्यार्थ्याने (नाव नाही सांगितलेले) आपल्या गर्लफ्रेंडकडे प्रेमाची कबुली देण्यासाठी एका पार्टीचे आयोजन केले होते. खूप नाच-गाणे झाले, मित्र, मैत्रिणी जमल्या होत्या. यामुळे गडी फुल जोशात होता. लाईट गेल्याने तो गुडघ्यावर बसलेला उठला. त्यामुळे त्याने अंधारातच गर्लफ्रेंडच्या शेजारी असलेल्या तरुणीचा हात हातात घेतला आणि प्रपोज केला. प्रपोज करून होताच लाईट आली आणि पाहतो तर त्याला धक्काच बसला. लगेचच उठून तो स्वत:ला सावरत होता. यावर त्याचे मित्र जोरजोरात हसायला लागले. यानंतर त्याने त्याच्या गर्लफ्रेंडला प्रपोज केला आणि तिनेही त्याला हो म्हटले.