सोशल मीडियावर एक फोटो प्रचंड व्हायरल होत आहे. व्हायरल होणारे हे फोटो पाहून तुम्हीही प्रचंड हैराण व्हाल. एका मुलीने झाडाचा वेश धारण केला आहे. कारण तिला तिच्या बहिणीचे गपचुप फोटो काढायचे होते. खरं तर मुलीच्या बहिणीला एक मुलगा प्रपोज करणार होता. त्यावेळचे तिचे फोटो काढण्यासाठी महिलेने हा वेश धारण केला होता. सध्या सोशल मीडियावर हे फोटो प्रचंड व्हायरल होत आहेत. तसेच झाडाचा वेश धारण करणाऱ्या मुलीचं प्रचंड कौतुकही होत आहे.
झाचा वेश धारण करून फोटो काढणाऱ्या मुलीचं नाव थेरेसे मरकेल आहे आणि तिने मंगळवारी ट्विटरवर काही फोटो शेअर केले.
फोटोंमध्ये तुम्ही पाहू शकता की, महिलेने हिरव्या पानांनी तयार झालेला ड्रेस घातला आहे. दुसऱ्या फोटोमध्ये एक कपल असून एक मुलगा एका मुलीला प्रपोज करत आहे.
ट्विटरवर एक फोटो पोस्ट करत असं लिहिलं आहे की, 'या आठवड्यात माझ्या बहिणीने साखरपुडा केला. ते क्षण कैद करण्यासाठी मी चक्क झाड झाले होते.'
तिचे हे फोटो प्रचंड व्हायरल होत आहेत. आतापर्यंत हे फोटो 21 हजारपेक्षा जास्त लोकांनी रिट्विट आणि 1 लाखापेक्षा जास्त लोकांनी लाइक केले होते. सोशल मीडियावर अनेक लोक त्यांची प्रचंड तारिफ करत आहेत.
दोन वर्षांपूर्वी अशाच एका मुलीचे फोटो व्हायरल होत होते. जिथे एका महिलेने खोट्या मिशा लावून आपल्या मैत्रिणीची पहिली डेट पाहण्यासाठी गेली होती.