चीनमध्ये एक अजबगजब प्रकार समोर आला आहे. याठिकाणी एक लग्न समारंभ सुरू होता. तेव्हा नवरदेवाच्या आईची नजर नवरीच्या हातांवर पडली. त्यानंतर जे काही घडलं त्याचा कोणी स्वप्नातही विचार केला नसेल. यानंतर नवरदेवाची आई जोरजोराने रडू लागली.
डेलीस्टारच्या वृत्तानुसार, ज्या वर-वधुचं लग्न सुरू होतं ते दोघंही भाऊ-बहिण निघाले. नवरदेवाच्या आईने जेव्हा नवरीच्या हातावर जन्मखून पाहिलं आणि तिने तिच्या मुलीला ओळखलं. ही घटना चीनच्या जिआनग्सू प्रांतातील सोझोऊ येथील आहे. ३१ मार्च रोजी हे लग्न सुरू होतं. चीनी मीडियामध्ये ही बातमी प्रसारीत झाली आहे. ज्यावेळी नवरदेवाच्या आईने नवरीच्या हातावरील जन्माच्या वेळचं चिन्ह पाहिलं त्यानंतर तिने नवरीच्या आईवडिलांकडे याबाबत विचारणा केली.
त्यावेळी नवरीच्या आईवडिलांनी या मुलीला आम्ही २० वर्षापूर्वी दत्तक घेतल्याचं सांगितले. ही मुलगी आम्हाला रस्त्याच्या कडेला सापडली होती. त्यानंतर नवरदेवाच्या आईने २० वर्षापूर्वीची घटना सांगितली. आई आणि मुलीची भेट झाली. या प्रसंगाने उपस्थित असणाऱ्या सगळ्यांच्या डोळ्यात पाणी आलं. ज्या वर-वधुचं लग्न सुरू होतं ते दोघंही भाऊ बहिण निघाले. मात्र या कहानीत जबरदस्त ट्विस्ट तेव्हा आला जेव्हा हे सुरू असलेलं लग्न कोणीही थांबवलं नाही.
कारण नवरदेवाच्या आईनेही नवऱ्याला दत्तक घेतलं होतं. नवरीच्या खऱ्या आईला या लग्नाबाबत काही हरकत नव्हती. स्थानिक माध्यमांनुसार, २० वर्षापूर्वी आई आणि मुलगी यांच्यात दुरावा आला होता. ही मुलगी हरवली होती. आईने तिचा शोध घेण्याचा खूप प्रयत्न केला परंतु तिचा शोध लागला नाही. जेव्हा मुलगी सापडली नाही तेव्हा आईने मुलगा दत्तक घेण्याचा निर्णय घेतला. आता इतक्या वर्षांनी जेव्हा त्या दत्तक मुलाचं लग्न ठरलं. मुलगी पसंत पडली. या दोघांचे लग्न सुरू असताना हा प्रकार समोर आला. ज्या मुलाला दत्तक घेतलं त्याच मुलासोबत तिच्या मुलीचं लग्न पार पाडलं. लग्नात हजर असणारे सर्वजण भावूक झाले होते. पाहुण्यांनी आई-मुलीला शुभेच्छा दिल्या.