अमेरिकेचे राष्ट्राध्यक्ष जो बायडेन (America Joe Biden) यांचा एक व्हिडीओ (Viral Video) सोशल मीडियावर (Social Media) मोठ्या प्रमाणात व्हायरल होत आहे. यामध्ये ते उपराष्ट्राध्यक्षा कमला हॅरिस (Kamala Harris) यांना चुकून फर्स्ट लेडी म्हणताना दिसत आहेत. मात्र, बायडेन यांनी त्वरित आपली चूक सुधारली. पण काही ट्विटर युजर्सनी त्यांना यावरूनही ट्रोल केलं. याचा व्हिडीओ सोशल मीडियावर मोठ्या प्रमाणात व्हायरल होताना दिसत आहे. दरम्यान, अमेरिकेत राष्ट्राध्यक्षांच्या पत्नीला फर्स्ट लेडी असं संबोधलं जातं.
रिपोर्ट्सनुसार नुकतंच बायडेन यांनी व्हाईट हाऊसमध्ये आयोजित एका कार्यक्रमाला संबोधित केलं. यादरम्यान, बोलताना त्यांनी अनावधानानं कमला हॅरिस यांचा उल्लेख फर्स्ट लेडी असा केला. फर्स्ट लेडी (कमला हॅरिस) यांच्या पतीला कोरोनाची लागण झाली आहे. यासाठी त्या कार्यक्रमात येऊ शकल्या नाही, असं बायडेन म्हणाले.