सिंहाला जंगलाचा राजा म्हटलं जातं. सिंहाची ताकद अफाट असते. त्यामुळे कोणीही त्याच्या वाट्याला जात नाही. सिंहाच्या वाकड्यात शिरण्याची हिंमत कोणी केलीच तर त्याची शिकार होणं नक्की असते. जंगलातचे बरचसे प्राणी सिंहाला वचकून असतात. सिंह मागे लागला की त्या प्राण्याची शिकार झालीच म्हणून समजायचं. मग तिथे माणसांची काय कथा..
सिंहाचा एक व्हिडीओ सोशल मीडियावर व्हायरल झाला आहे. त्यात तो एका माणसाला घाबरुन पळताना दिसत आहे. विशेष म्हणजे या माणसाच्या हातात केवळ एक काठी आहे. काठी घेऊन एक व्यक्ती सिंहाच्या दिशेनं पुढे जात आहे आणि त्याला पाहून सिंह मागेमागे सरकत आहे. सिंह घाबरून मागे फिरत आहे.
सिंह अतिशय हिंस्र प्राणी म्हणून ओळखला जातो. मात्र व्हायरल व्हिडीओमध्ये त्याचं वेगळंच रुप पाहायला मिळत आहे. त्याचं रुप पाहून अनेकांना आश्चर्याचा धक्का बसला आहे. ऍनिमल पॉवर्स नावाच्या इन्स्टाग्रामवरून हा व्हिडीओ अपलोड करण्यात आला आहे. त्याला आतापर्यंत हजारो व्ह्यूज आणि लाईक्स मिळाले आहेत.