लग्नाची वरात म्हटली की डान्स आलाच. त्यातही नागिण डान्सशिवाय वरातीला मजा येत नाही. अनेकजण लग्नाच्या वराती जमिनीवर लोळून लोळून नागिण डान्स करताना तुम्ही पाहिलं असेल किंवा तुम्हीही कधीना कधी नागिण डान्स केला असेल. पण एका व्यक्तीने नागिण डान्सची व्याख्याच बदलून टाकली आहे. या व्यक्तीचा व्हिडीओ व्हायरल झाला असून तुम्ही तुम्हीही म्हणाल की, 'अरे... हा नागिण नाही अजगर डान्स आहे'.
सध्या हा व्हिडीओ सोशल मीडियात व्हायरल झाला असून यात व्यक्ती नवरदेवाच्या घोड्यावर बसून डान्स करत आहे. असा डान्स तुम्ही नक्कीच कधी पाहिला नसेल. ३० सेकंदाच्या या व्हिडीओमध्ये नवरदेव घोडीवर बसला आहे आणि त्याच्यासमोर आणखी एक व्यक्ती बसली आहे. आता त्याच्या अंगात आलं की डान्स करतोय हेच कळत नाहीये.
या व्हिडीओची मजेदार बाब म्हणजे या व्हिडीओत ही व्यक्ती नवरदेवासोबत घोडीवर बसून तूफान डान्स करतोय. पण अशात नवरदेव जराही हलला नाही. तो शांत बसून आहे.
सध्या या व्हिडीओवर एकापेक्षा एक कमेंट येत आहेत. एक यूजर म्हणाला की, हा तर 'अजगर डान्स' आहे. तर दुसऱ्या एकाने म्हटले की, हा अॅनाकोंडा डान्स आहे.