Ice Skiing in Saree, Viral Video: सोशल मीडिया हे हल्ली प्रसिद्धी मिळवण्याचे एक प्रगतशील माध्यम झाल्याचे दिसते. याची क्रेझ दिवसेंदिवस वाढत चालली आहे. अबालवृद्ध या सोशल मीडियाचा विविध कारणांसाठी वापर करत असताना दिसतात. याच सोशल मीडियामुळे अनेकजण प्रसिद्धीझोतात येतात. प्रसिद्धी मिळवण्यासाठी किंवा व्हायरल होण्यासाठी लोक आपले फोटो, व्हिडीओ इंटरनेटवर अपलोड करत असतात. मात्र चर्चेत येण्यासाठी अनेकदा मजेशीर, विचित्र, धोकादायक किंवा असामान्य प्रकारचे व्हिडीओ जास्त पसंतीस उतरतात. असाच एक व्हिडीओ सध्या चर्चेत आहे. या व्हिडीओतील महिला चक्क साडी नेसून बर्फात स्कींग करताना दिसत आहे. साडी नेसलेल्या महिलेचा हा हटके अंदाज साऱ्यांनाच अवाक करणारा दिसतोय.
व्हायरल झालेल्या व्हिडिओमध्ये एका महिलेने साडीत नेसली आहे आणि ती साडी अतिशय छान पद्धतीने सावरून ती सर्वांना थक्क करणारे आईस स्कींग करताना दिसत आहे. पारंपारिक पोशाख आणि बर्फाच्छादित दऱ्यांमधील थंडीमध्ये महिलेचे स्कींग लोकांना नक्कीच प्रेरणा देणारे ठरत आहे. साडी नेसून असे स्टंट करणे सोपे नाही. अशा स्टंटसाठी वेस्टर्न पद्धतीचे कपडे असायला हवेत असे बरेच लोकांचे म्हणणे असते. पण या महिलेने आपल्या या अवताराच्या जोरावर साऱ्यांचीच वाहवा मिळवली आहे.
दिव्या माइया (Divya Maiya) यांनी त्यांच्या स्टंटचा हा व्हिडीओ त्यांच्याच इन्स्टाग्राम अकाऊंटवर पोस्ट केला आहे. त्यांचा हा व्हिडीओ इंटरनेटवर व्हायरल होत असून व्हिडीओला भरपूर लाईक्स मिळत आहेत आणि कमेंट्सचाही पाऊस पडताना दिसतोय. साडी नेसून असे स्टंट करण्याची कला त्यांनी साऱ्यांनाच दाखवून दिली आहे. त्यामुळे त्यांचे सर्वत्र कौतुक होत आहे.