सोशल मीडियावर सध्या आई-मुलाचा व्हिडिओ चांगलाच व्हायरल होत आहे. जो पाहून लोकांना हसू आवरत नाही. या महिलेने इतका जास्त मेकअप केलाय की तिचा स्वत:चा मुलगाही तिला ओळखू शकत नाही. इतकेच नाही तर या महिलेसमोरच तो आई कुठे आहे असं विचारत जोरजोरात रडायला लागला. तिथेच उपस्थित एकाने हा व्हिडिओ बनवला आणि सोशल मीडियावर पोस्ट केला. आता व्हिडिओ प्रचंड व्हायरल होत असून नेटिझन्सही त्यावर भन्नाट प्रतिक्रिया देत आहेत.
व्हायरल होणाऱ्या या व्हिडिओत स्पष्ट दिसते की मुलगा सोफ्यावर बसून रडत असतो. इतक्यात त्याची आई त्याला शांत करण्यासाठी येते परंतु त्या आईलाच मुलगा ओळखू शकत नव्हता. महिलेने मेकअप केला होता. त्यामुळे मुलाला आईला ओळखणे कठीण झाले. ही दुसरी कुणी महिला आहे असं समजून तो महिलेला माझी आई कुठे आहे असं सांगत पाय आपटत रडू लागतो. व्हिडिओ दुसरी महिला हीच तुझी आई आहे असं मुलाला सांगण्याचा प्रयत्न करते परंतु मुलगा काहीही ऐकण्यास तयार नसतो.
हा व्हिडिओ सोशल मीडियावर एकाने पोस्ट केला. त्याला हजारोने लोकांचे लाईक्स मिळत आहे. नेटिझन्स भन्नाट कमेंट्स करत आहेत. जवळपास १० लाखाहून अधिक लोकांनी या व्हिडिओला लाईक्स केले आहे. मेकअप केल्यामुळे मुलगा त्याच्या आईला ओळखू शकत नाही असं एका युजरने म्हटलं. तर काही जणांच्या प्रतिक्रिया इतक्या मजेशीर आहेत की तुम्हीही पोटधरून हसाल.
या व्हायरल व्हिडिओवर एका महिलेने कमेंट करत म्हटलंय की, बेटा, प्रत्येक वेळी आईला भूत बनवून ठेवणार का कधीतरी तिला परी बनायला दे. तर दुसऱ्या युजरने सांगितले की, हा मुलगा आता इतका रडतो तर त्याच्या पत्नीला पाहून किती रडेल. तर अन्य एकाने महिलेला तोंड धुवून येण्याचा सल्ला दिला.