भारताची असो वा आणखी कोणत्याही देशाची सुरक्षा व्यवस्था असो यात श्वान फार महत्त्वाची भूमिका बजावतात. त्यांची हुंगण्याची क्षमता आपल्या फार कामी येते. त्यांच्या या गुणामुळे ते देशाच्याही कामात येतात. सध्या एक ट्विट व्हायरल होत आहे. यात सांगण्यात आलं आहे की, ज्या श्वानांनी ७ वर्ष देशाची सेवा केली, त्यांना तुम्ही दत्तक घेऊ शकता.
रोहित अग्रवाल नावाच्या व्यक्तीने हे ट्विट केलं आहे. त्यांनी लिहिले की, 'या श्वानांनी देशाला ७ वर्ष दिली. आता ते म्हातारे झाले आहेत. हवं तर तुम्ही यांना दत्तक घेऊ शकता आणि एक घर देऊ शकता. यासाठी तुम्हाला केवळ एक अॅफिडेविट करावं लागेल आणि Comdt RVC Centre & College, College, Meerut Cantt, Meeru - 250001 या पत्त्यावर पाठवायचं आहे.
लोक हे ट्विट पाहून चांगलेच भावूक झाले आहेत. अनेकांनी श्वान दत्तक घेण्याची तयारीही दर्शवली आहे. तर अनेकांनी भावूनक संदेशही ट्विट केले आहेत. आता घरात श्वान पाळण्याची अनेकांची इच्छा असते. त्यात अशाप्रकारचे देशाची सेवा करणारे श्वान पाळण्याची संधी असेल तर ही संधी अनेकजण घेऊ शकतात.