Statue of Liberty Collapse Brazil Video: ब्राझीलच्या रियो ग्रांडे डो सुलमधील गुआईबामध्ये उभारण्यात आलेल्या भल्यामोठ्या स्ट्रॅच्यू ऑफ लिबर्टीला वादळाचा तडाखा बसला. अमेरिकेतील स्टॅच्यू ऑफ लिबर्टीप्रमाणे प्रतिकृती ब्राझीलमध्ये उभारण्यात आली होती. सात मजली इमारती इतकी उंची असलेला हा पुतळा कोसळला.
वादळ आल्यानंतर स्टॅच्यू ऑफ लिबर्टी हळूहळू एका बाजूला झुकायला लागली. त्यावेळी अनेक लोकांनी त्यांच्या मोबाईलमध्ये या घटनेचा व्हिडीओ बनवला. स्टॅच्यू कोसळतानाचा व्हिडीओ आता सोशल मीडियावर व्हायरल होत आहे.
स्टॅच्यू ऑफ लिबर्टी कोसळतानाचा व्हिडीओ
वादळामुळे सगळीकडे धूळ उडत आहे. स्टॅच्यू ऑफ लिबर्टी हळूहळू एका बाजूला झुकत जातो आणि नंतर खाली कोसळतो. खाली पडल्यानंतर पुतळा पूर्णपणे मोडला आहे.
ब्राझीलमध्ये घडलेल्या घटनेनंतर वाऱ्याचा वेग असा किती होता, असा प्रश्नही अनेकांना पडला. ब्राझीलच्या डेफेसा सिव्हील एजन्सीनुसार, शहराला आधीच वादळाचा इशारा दिला गेला होता. त्याकाळात वाऱ्याचा वेग ताशी ९० किमीपेक्षा जास्त होता.
ही स्टॅच्यू ऑफ लिबर्टी २०२० मध्ये उभारण्यात आली होती. स्टॅच्यू ११ मीटर उंच ओट्यावर बसवण्यात आला होता. स्टॅच्यू कोसळत असताना दिसल्यानंतर परिसरातील वाहतूक बंद करण्यात आली होती. त्यामुळे कोणतीही दुर्घटना घडली नाही.
Web Summary : A replica of the Statue of Liberty in Brazil collapsed during a storm. The seven-story structure in Rio Grande do Sul succumbed to strong winds exceeding 90 km/h. Built in 2020, the statue was perched on an 11-meter base. Traffic was halted, preventing injuries.
Web Summary : ब्राजील में स्टैच्यू ऑफ लिबर्टी की एक प्रतिकृति तूफान में गिर गई। रियो ग्रांडे डो सुल में सात मंजिला संरचना 90 किमी/घंटा से अधिक की तेज हवाओं के कारण गिर गई। 2020 में निर्मित, प्रतिमा 11 मीटर ऊंचे आधार पर टिकी हुई थी। यातायात रोक दिया गया, जिससे चोटें नहीं आईं।