लग्न म्हटलं की पारंपरिक चालीरिती आल्या. धमाल आली. सर्वजण आपल्या त्या सुखद क्षणाची नेहमी वाट बघत असतात. काहींनी त्यासाठी अनेक प्लॅन्सही आखलेले असतात. जेव्हा लग्न लागते तेव्हा नवरानवरी एकमेकांकडे लाजून बघतात. वरमाला घालत असताना हलकेच गालातल्यागालात हसतात. अशावेळी नवरीचा चेहरा तर आणखी सुंदर दिसतो पण आता आम्ही तुम्हाला अशी लग्नाची अशी गोष्ट सांगणार आहोत ज्यात नवरीचा वरमाला घालतानाचा रुद्रावतार तुम्हाला नक्की तोंडात बोटं घालायला लावेल. ही नवरी अशी काही घुश्श्यात आहे की तिचा राग बघुन तुम्हालाही वाटेल की लग्न जबरदस्तीने लावलंय का?
इन्स्टाग्रामवर सध्या एक व्हिडिओ व्हायरल होतोय. निरंजन महापात्रा या युजरने व्हिडिओ रिल्समध्ये हा व्हिडिओ अपलोड केला आहे. यामध्ये एक नवरी नवरदेवाच्या गळ्यात वरमाला घालतेय पण काही घुश्यातच. तिने अक्षरश: ती वरमाला नवरदेवाच्या गळ्यात फेकली आहे. नवरदेवही या तिच्या कृत्यानंतर तिच्याकडे रागाने बघतोय मात्र त्याने नीट वरमाला तिच्या गळ्यात घातली. इस्टाग्रामवर हा व्हिडिओ ४० लाखापेक्षा अधिक लोकांनी पाहिला आहे. तर १ लाख ३० हजाराहुन जास्त लोकांनी त्याला लाईक केले आहे. अनेकजण या व्हिडिओवर कमेंट्स करत आहेत.