लग्न हा आयुष्यातला असा सोहळा आहे जो लक्षात राहावा असे प्रत्येकाला वाटते. त्यामुळे प्रत्येक जण या सोहळ्यात अनेक नवनवीन गोष्टी करतो. असाच एक कारनामा एका नवरानवरीने आपल्या लग्नसोहळ्यात केला आहे.इंटरनेटवर हा व्हिडिओ चांगलाच व्हायरल होत आहे. यात एक नवरा-नवरी लग्नाच्या मंडपात फेरे घेताना दिसत आहेत. फेरे घेताना हे डान्स करत आहेत. त्यांचा डान्स पाहुन आजूबाजूची मंडळीही टाळ्या वाजवत आहेत. सोशल मीडियावर व्हायरल होत असलेला हा व्हिडिओ वेदांत बिर्लाने आपल्या अधिकृत ट्विटर अकाऊंटवर शेअर केला आहे.
मात्र, शेअर करताना त्यांनी एक कॅप्शनही लिहिले. त्यांनी या व्हिडिओला अजिबात समर्थन दिलेले नाही. त्यांनी लिहिले, हे लग्न आहे की संस्कारांचे अंतिम संस्कार? हे विसरू नका की तुम्ही जगात पूजनीय आहात ते केवळ आपली संस्कृती आणि संस्कारांमुळेच. दरम्यान, हे थोडेसे मजेशीर आणि एंटरटेनिंग आहे. याच कारणामुळे हा व्हिडिओ इंटरनेटवर व्हायरल झाला.