आई ही आईच असते! मुलाच्या दोन्ही किडन्या निकामी, आईनं किडनी दिली अन् नवा जन्मही!

आई आपल्या मुलांसाठी काहीही करु शकते. आई आपल्या मुलांच्या रक्षणासाठी आपला जीवही धोक्यात घालू शकते. त्यामुळेच म्हटलं जातं आई ही आईच असते. मुलांसाठी काहीही करणाऱ्या आईची उदाहरणे आतापर्यंत आपण अनेक पाहिली असतील. सध्या सोळ मीडियावर अशाच एक आईची गोष्ट व्हायरल झाली आहे. ही घटना वाचून अनेकांनी आईला सलाम ठोकला आहे. ही घटना उत्तर प्रदेशमधील सहारनपूर येथील आहे. एका आईने आपल्या मुलाला किडनी दिली आहे. 

ही हृदयस्पर्शी घटना 'ह्युमन्स ऑफ बॉम्बे' या इंस्टाग्राम हँडलने शेअर केली आहे, आतापर्यंत या पोस्टला 50,000 हून अधिक लाईक्स मिळाले आहेत. सहारनपूर येथे राहणाऱ्या सौरभला त्याच्या आईने त्याला किडनी देऊन नवीन जीवन दिले आहे. 

सौरभने या संदर्भात पोस्ट लिहून माहिती दिली आहे. 'माझा जन्म झाला तेव्हा आई २१ वर्षांची होती. ती शिकलेली नव्हती त्यामुळे तिला जे मिळू शकत नव्हते ते सर्व मला मिळावे अशी तिची इच्छा होती. त्यामुळे माझा शाळेचा एकही दिवस चुकणार नाही याची तिने काळजी घेतली. मला आवश्यक असलेले प्रत्येक पुस्तक तिने मला विकत घेतले. माझ्या खाण्यापिण्याची खूप काळजी घेतली. माझे वडील कुटुंबाचा उदरनिर्वाह करण्यासाठी मजूर म्हणून काम करत असताना, मी एक चांगला विद्यार्थी आहे याची ती खात्री करत होती. आणि मग मी बीएड करत असताना स्वतःचं कोचिंग सेंटर सुरू केलं. मी आईला म्हणालो, 'मी आता सगळं मॅनेज करेन.' यावळी तिचा चेहरा मोठ्या हास्याने उजळला, असं सौरभने लिहिले आहे.

'माझा व्यवसाय चांगला चालला होता. पण जानेवारी २०२० मध्ये काही विद्यार्थ्यांनी मला सांगितले - तुमच्या चेहऱ्यावर सूज आली आहे. मी त्याचा फारसा विचार केला नाही. पण सूज कमी होत नव्हती त्यामुळे मी आई-वडिलांसोबत हॉस्पिटलमध्ये गेलो. काही तपासण्या करून डॉक्टरांनी सांगितले की, सौरभ तुझी किडनी काम करत नाही.  

माझा विश्वासच बसत नव्हता. मी नेहमीच निरोगी आहार घेतो आणि कोणत्याही वाईट सवयी मला नाहीत. आई निराश आणि अस्वस्थ झाली. पप्पाही रडायला लागले. ती मला पुन्हा पुन्हा विचारत राहिली की काय झालं? आम्ही रडायला लागलो. जोपर्यंत मला दाता सापडत नाही आणि इम्प्लांट शस्त्रक्रियेचा खर्च परवडत नाही तोपर्यंत डॉक्टरांनी मला डायलिसिस करण्याच्या सूचना दिल्या. मी एका वर्षाहून अधिक काळ डायलिसिस केले. पण माझी रोजची अवस्था पाहून आईने मला किडनी द्यायचे ठरवले.

आठ वर्षांत २४० नेते भाजपमध्ये दाखल; सत्तेचे गणित जुळवण्यात होतेय मोठी मदत

मार्च 2021 मध्ये आम्ही मित्र-नातेवाईकांकडून शस्त्रक्रियेसाठी 8 लाख रुपये कर्ज घेतले. शस्त्रक्रियेसाठी जाण्यापूर्वी मी तिचा हात धरला आणि म्हणालो - सर्वकाही ठीक होईल. मी तिच्यासाठी प्रार्थना केली की सर्व काही ठीक आहे. ही शस्त्रक्रिया साडेआठ तास चालली. पप्पा मला म्हणाले की, मम्मी माझ्या नावाचा जप करताना उठली. मला जाग आली तेव्हा माझ्या मनात फक्त तीच होती. काही तासांनी मी तिला भेटलो. माझ्या तोंडात आणि नाकात नळ्या होत्या. मी त्यांना धीर देत फक्त होकार देऊ शकलो. एकत्रितपणे, आम्ही बरे होण्यास सुरुवात केली आणि 2 आठवड्यांच्या आत आम्ही सामान्य स्थितीत आलो, असंही सौरभने सांगितले.