सोशल मीडियात कधी काय व्हायरल होईल सांगता येत नाही. असाच एक किस्सा खूप चर्चेत आहे. एका व्यक्तीने त्याच्या महिला मैत्रिणीला घेऊन हॉटेलमध्ये गेला. हॉटेलमध्ये गेल्यानंतर त्याने जेवणाची ऑर्डर दिली आणि दोघांनी एकत्र जेवण केले. परंतु त्यावेळी असं काही घडलं ज्यामुळे व्यक्ती आणि त्या महिलेमध्ये भांडण झालं. त्यामुळे नाराज झालेला व्यक्ती स्वत:चं बिल देऊन तिथून निघून गेला आणि महिलेला तिथेच सोडलं.
ब्रिटनमधील एका व्यक्तीने मुलीसोबत डेटिंगला आलेला अनुभव शेअर केला आहे. त्याला महिलेचा इतका राग आलाय की, पुन्हा कधीही तिचं तोंड बघणार नाही असं त्याने म्हटलं. व्यक्तीने सांगितले की, तो त्याच्या डेटमुळे खूप नाराज आहे. यापुढे कुठल्याही मुलीला डेटला घेऊन गेलो तर तिचं बिल देणार नाही असा निर्णय त्याने घेतला. या व्यक्तीने हॉटेलमध्ये स्वत:च्या हिस्स्याचं पेमेंट करून हॉटेलमधून निघून गेला. परंतु व्यक्तीच्या अशा वागण्यानं ती महिला नाराज झाली.
या व्यक्तीनं त्याच्या फेसबुक पोस्टमध्ये लिहिलंय की, अलीकडेच मी एका महिलेसोबत दुसऱ्यांदा डेटवर गेलो होतो. आम्ही एकदा भेटलो आणि पहिल्या डेटवर ड्रिंक घेतली परंतु ती चांगली राहिली नाही. अखेर मी तिच्याशी बोलणं सोडून दिले. आमची डेट खूप वाईट होती. ती २० मिनिटं उशिरा आली. ती माझ्यावरच नाराज व्हायची. वेटर्ससोबतही तिचं वागणं चांगले नव्हते. तिने हॉटेलपासून डिनरपर्यंत, माझ्या पेहरावापासून व्यवहारापर्यंत प्रत्येक गोष्टीवर तक्रार करायची असं त्याने सांगितले.
जेव्हा आमच्याकडे बिल आले तेव्हा मी निर्णय घेतला की यापुढे तिला पुन्हा कधी भेटायला नको. वेटर आमच्याकडे आला त्याने बिलाबद्दल विचारलं तर मी दोन वेगळी बिलं देण्यास सांगितले. त्यावर ती मुलगी म्हणाली, तुला मैत्रिणीसोबत कसं वागायचं याची समज नाही का? कुठल्याही मुलीला स्पेशल फिल कसं केले जातं हे तुला माहिती नाही असं ती रागात म्हणाली. ती म्हणाली, मी माझी पर्स घेऊन आली नाही. त्यामुळे बिल तू भर असं तिने त्या व्यक्तीला सांगितले. परंतु त्याने बिल पेमेंट केले नाही. त्याने दोन वेगवेगळं बिल मागवले. इतकचं नाही तर स्वत:चं बिल देऊन तो हॉटेलमधून निघून गेला. सध्या या दोघांनी सोशल मीडियावर एकमेकांवर ब्लॉक केले आहे.