वॉश्गिंटन – पती-पत्नीचं नातं प्रेमावर आणि विश्वासावर टिकून असतं. परंतु त्याच नात्यात करण्यात आलेल्या करार ऐकून तुम्हालाही धक्का बसेल. पती-पत्नी दोघांच्या संमतीने हा करार केला असून सध्या सोशल मीडियावर हा करार चर्चेचा विषय बनला आहे. व्यवसायाने वकील असलेल्या दाम्पत्याने चक्क त्यांच्या सेक्स लाइफबद्दल करार केला आहे. या अजब करारामुळे त्यांचे वैवाहिक जीवन सुखी आणि आनंदी होऊ शकतं असा दावा जोडप्याचा आहे.
घरातील प्रमुख ऐन
डेली स्टारच्या रिपोर्टनुसार, ऐन(Aine) नावाच्या महिलेने तिच्या खासगी आयुष्याबद्दल उघडपणे भाष्य केले आहे. ती आणि तिचे पती दोघंही वकील आहेत. लग्नाच्या एक वर्षानंतर या दोघांना जाणीव झाली की, त्यांच्या जॉबमुळे पर्सनल आयुष्यावर परिणाम होत आहे. त्यासाठी दोघांनी एकत्रित बसत त्यांच्या सेक्स लाइफबद्दल एक करार केला. या करारानुसार, घरातील इंचार्ज ऐन असेल तर तिच्या पतीला घरातील सगळी काम करावी लागतील.
ऐननं सांगितले की, जॉब सोडण्याऐवजी दोघांनी एक करार करणं हे आमच्या नात्यासाठी चांगले होते. घरातील महत्त्वपूर्ण निर्णय घेण्यासोबतच बेडरुममधील खासगी क्षणावरही नियंत्रण करारामुळे होणार आहे. घरातील सर्व आवश्यक आणि महत्त्वपूर्ण निर्णय मीच घेते. तर साफसफाईपासून सगळी कामं पतीला करावी लागतात. विशेष म्हणजे पुरुष ही काम करण्यास तयार नसतात. परंतु ऐनच्या पतीला ते करण्यास कुठलीही अडचण नाही.
करारात काय म्हटलं?
लग्नाच्या एका वर्षानंतर जसं सुरु आहे तसं आमचं नातं जास्त काळ टिकू शकणार नाही अशी जाणीव जोडप्याला झाली. त्यासाठी ऐननं तिच्या पतीसमोर एका कराराचा प्रस्ताव ठेवला. या करारात सेक्स लाइफबद्दलही उल्लेख करण्यात आला आहे. करारात सर्व गोष्टींचा स्पष्ट उल्लेख आहे. या करारानुसार, दोघांनाही तिसऱ्या व्यक्तीसोबत शारिरीक संबंध ठेवण्याची परवानगी आहे असं लिहिण्यात आले आहे.
सोशल मीडियात चर्चा
करारानुसार, दोघांनाही त्यांच्या सेक्स लाइफबद्दल निर्णय घेण्याचा पूर्णपणे अधिकार आहे. घरातील सगळी कामं कपडे धुण्यापासून जेवण बनवण्यापर्यंत सर्वकाही ऐनचा पती करतो. ऐन अथवा तिचा पती तिसऱ्या व्यक्तीसोबत शारिरीक संबंध ठेवू शकतात. या करारावर दोघांचीही सहमती आहे. सोशल मीडियावर सध्या पती-पत्नी आणि वो असा अजब करार व्हायरल होत आहे. त्यावर काही जणांनी आक्षेप घेतला आहे.