सोशल मीडियावर प्राणी, पक्ष्यांचे व्हिडीओ अनेकदा व्हायरल होतात. काही व्हिडीओ मजेशीर असतात. तर काही व्हिडीओ माणसालाही धडा देऊन जातात. असाच एक व्हिडीओ सध्या सोशल मीडियावर व्हायरल झाला आहे. एक कोंबडी स्वत:च्या पिल्लांऐवजी मांजरीच्या पिल्लांची देखभाल करत असल्याचं व्हिडीओमध्ये दिसत आहे. या व्हिडीओनं अनेकांची मनं जिंकली आहेत.
कोंबडी अन् मांजरीच्या पिल्लांचा व्हिडीओ इन्स्टाग्रामवर viral_cute_cat पेजवरून शेअर करण्यात आला आहे. या व्हिडीओत एक कोंबडी आरामात बसलेली दिसत आहे. तिच्या खाली मांजरीची तीन पिल्लं आहेत. कोंबडीनं तिन्ही पिल्लांना स्वत:च्या पंखाखाली घेतलं आहे. कोंबडीचं मांजरीच्या पिल्लांवरील प्रेम पाहून अनेक जण निशब्द झाले आहेत.
अनेकांना कोंबडी अन् मांजरीच्या पिल्लांचा व्हिडीओ आवडला आहे. या व्हिडीओवर अनेकांनी कमेंट्स केल्या आहेत. या व्हिडीओला आतापर्यंत १ लाख लाईक्स मिळाले आहेत. प्रत्येक आई स्वत:च्या मुलांचं रक्षण करतं. पण दुसऱ्याच्या मुलांचं रक्षण करणं प्रत्येक आईला जमत नाही. त्यामुळेच हा व्हिडीओ अनेकांना भावला आहे.