Woman Got Stuck In Gym: एक महिला जिममधील एका मशीनमध्ये अडकली आणि मग तिने आपल्या स्मार्टवॉचचा वापर करून पोलिसांना फोन केला. ओहियोची राहणारी क्रिस्टीन प्रॉल्ड्स नावाची महिला उलट्या टेबलवर काम करताना अडकली. क्रिस्टीनने स्वत:ला सरळ करण्याचा प्रयत्न केला. पण ती जास्त काही करू शकली नाही. सध्या या घटनेचा व्हिडीओ व्हायरल झाला आहे. ज्यात पोलीस अधिकारी या घटनेबाबत सांगत आहेत.
आपल्या स्मार्टवॉचवरून कॉल केल्यावर ती म्हणाली की, 'नमस्कार, मी जिममध्ये एकटीच आहे आणि मी मशीनमध्ये अडकली आहे. मला यातून बाहेर पडता येत नाहीये. मी स्वत:ला यातून सोडवू शकत नाहीये'.
महिला ओहियोच्या बेरियामधील पावरहाऊस जिमच्या आत अडकली होती. ती जिममध्ये जेसन नावाच्या व्यक्तीला बोलवण्याचा प्रयत्न करत होती. पण म्युझिक जोरात सुरू असल्याने त्याला तिचा आवाज ऐकू आला नाही. क्रिस्टीनने 911 वर कॉल करण्याच्या काही मिनिटांनंतर एका अधिकारी तिथे आला आणि त्याने तिची मदत केली.