माजी मिस यूनिव्हर्स (Ex Miss Universe) ओलिविया कल्पो (Olivia Culpo) सध्या चर्चेत आहे. कारण आहे तिचा स्ट्रिंगचा ड्रेस. ओलिवियाने तिच्या इन्स्टाग्राम अकाऊंटवर नेहमीप्रमाणे पुन्हा एकदा काही फोटो शेअर केले आहेत. या फोटोतील तिचा ड्रेस पाहून यूजर्स हैराण झाले आहेत आणि त्यावर लोक वेगवेगळ्या प्रतिक्रिया देत आहेत. काही लोकांनी तिला ट्रोलही केलं आहे.
२९ वर्षीय ओलिविया कल्पो सोशल मीडियावर नेहमीच चर्चेत असते. तिच्या इन्स्टाग्रामवर ५ मिलियनपेक्षा अधिक फॉलोअर्स आहे. ज्यावर ती तिचे फोटो नेहमीच शेअर करत असते. यावेळी तिने जो तिचा फोटो शेअर केला आहे त्याने लोकांचं लक्ष वेधून घेतलं आहे.
डिनरला गेलेली माजी मिस यूनिव्हर्स Drawstring Dress मध्ये हाय हिल्स आणि ब्राउन बॅगसोबत स्टायलिश लूकमध्ये दिसत आहे. इन्स्टाग्रामवर शेअर केलेल्या तिच्या या फोटोवर फॅन्स वेगवेगल्या कमेंट्स करत आहेत. ओलिवियाच्या या फोटोला २ लाखांपेक्षा जास्त लाइक्स आणि हजारो कमेंट्स आल्या आहेत.
दरम्यान काही दिवसांपूर्वीच मॉडलने दावा केला होता की, अमेरिकन एअरलाइन्सच्या एका कर्मचाऱ्याने कथितपणे तिला फ्लाइटमध्ये चढताना ब्लाउज घालण्यास सांगितलं होतं. त्यावेळी ती मेक्सिकोला जात होती. फ्लाइटमध्ये तिचा ड्रेस आक्षेपार्ह मानण्यात आला होता.
काही यूजर्सना तिचा ड्रेस आवडला असला तरी अनेकांनी तिला ड्रेसवरून ट्रोलही केलं आहे. एका यूजरने लिहिलं की, 'कपडे घालण्याची मेहनतच का घेतली?. तर दुसऱ्या एका यूजरने लिहिलं की, 'नेहमीप्रमाणे अश्लील कपडे'. काही लोकांनी ओलिवियाला कपड्यांवरून फुकटचे सल्लेही दिले आहेत.