मगर हा अत्यंत हिंस्त्र प्राणी आहे. एकदा का मगरीने कुणाला जबड्यात पकडले तर त्या प्राण्याचा जीव गेलाच म्हणून समजा. पण एक कुत्रा मगरीच्या जबड्यातून अगदी सहज बाहेर पडलाय. खरंतर मगरीन त्याला आपल्या जबड्यात पकडलेलंच पण कुत्र्यानं असं काही केलं की मगरीने स्वत: हुनच त्याला जबड्यातून सोडलं आणि धूम ठोकली.
व्हिडीओत पाहू शकता पाण्याच्या किनाऱ्याजवळ एक कुत्रा उभा आहे. तो पाण्याकडे निरखून पाहतो आहे. त्याला पाण्यात हालचाल दिसून येते. पाण्यातून आपल्या दिशेनं काही तरी येत असल्याचं दिसतं. तो तिकडे टक लावून पाहत असतो आणि सावध होतो. एखादा मासाच असावा असं त्याला वाटतं आणि तो शिकारीच्याच तयारीत असतं. इतक्यात पाण्यातून त्याच्या दिशेने येणारा प्राणी डोकं वर काढतो हा प्राणी म्हणजे मासा नव्हे तर चक्क मगर असते.
मगर कुत्र्याला आपल्या जबड्यात घेण्यासाठी पाण्यातून डोकं वर काढतं पण ती आपला जबडा उघडणार त्याआधीच शिकारीच्या तयारीत असलेला कुत्रा मगरीचा जबडा आपल्या तोंडात घेतो. मगर कुत्र्याच्या तोंडातून सुटण्यासाठी धडपडू लागते. ती कुत्र्याला पाण्यात खेचते. पाण्यात जाताच कुत्रा मगरीला आपल्या जबड्यातून सोडतो. हे पाहताच आजूबाजूचे लोकही तिथं धावत येतात. मगर पाण्यात गायब होते आणि कुत्रा सुद्धा पोहोत पोहोत दुसऱ्या किनाऱ्यावर येताना दिसतो.
द डार्क साइड ऑफ नेचर ट्विटर अकाऊंटवर हा व्हिडीओ शेअर करण्यात आला आहे. व्हिडिओ शेअर केल्याच्या काही क्षणांतच तो व्हायरल झाला आहे. अनेकजण यावर आपल्या प्रतिक्रिया व्यक्त करत आहेत.