मांजराचे बरेच व्हिडीओ सोशल मीडियावर व्हायरल होत असतात. काही क्युट, काही फनी असतात. सध्या मांजराचा शॉकिंग व्हिडीओ व्हायरल होतो आहे. जो पाहून सर्वजण थक्क झाले आहेत. उंचावरून पडूनही मांजराला काहीच झालं नाही. त्यातही मांजर अशा पद्धतीने पडलं ज्याचा कुणी विचारही केला नसेल (Cat video).
व्हायरल होणाऱ्या व्हिडीओत पाहू शकता एक मांजर एका दुकानावर पत्र्याच्या शेडवर आहे. ती तिथून उतरण्याचा प्रयत्न करत असते. पण शेड जमिनीपासून खूप उंच असते. मांजराला इतक्या उंचावरून खाली उतरण्यासाठी कोणताच आधारही नसतो. त्यामुळे ती पुन्हा शेडवर चढण्याचा प्रयत्न करते. पण तेव्हा ती घसरते.
शेडवर मांजर लटकताना दिसतं. शेडवर जाण्यासाठी ती धडपड करत असते. अचानक तिचा बॅलेन्स बिघडतो. ती घसरून थेट जमिनीवर आपटते. आता मांजर असो, दुसरा कोणता प्राणी असो किंवा माणूस इतक्या उंचावरून पडल्यानंतर त्याचं काय होईल हे तुम्हाला माहितीच आहे. सरळ तर कुणी पडणारच नाही पण हे मांजर ज्या पद्धतीने पडलं ते पाहून सर्वजण थक्क झाले आहेत.
इतक्या उंचावरून जमिनीवर पडल्यानंतर मांजर आडवं पडणं अपेक्षित होतं. पण हे मांजर आपल्या चारही पायांवरच उभं राहतं. म्हणजे वरून ते कोसळतं ते चार पायांवरच लँड होतं. मांजराला साधं खरचटतही नाही. जमिनीवर येताच ती काहीच झालं नाही अशा तोऱ्यात ऐटीच चालत जातं.
कुणी मांजर स्टंट करण्याचा प्रयत्न करत असल्याचं म्हटलं, कुणी या मांजराचा खतरनाक कारनामा म्हटलं. तर कुणी या मांजराला दुखापत झाली नाही, याचं समाधान वाटतं आहे. तुम्हाला हा व्हिडीओ पाहून काय वाटतं हे आम्हाला आमच्या सोशल मीडियाच्या कमेंट बॉक्समध्ये नक्की सांगा.