सोशल मीडियावर कधी, काय व्हायरल होईल हे सांगणं कठीण आहे. कधी कधी खूप मेहनत घेऊन बनवलेले व्हिडिओही लक्ष वेधून घेण्यात अपयशी ठरतात, तर कधी साध्या, छोट्या आणि अर्थहीन गोष्टी रातोरात मोठ्याप्रमाणात व्हायरल होतात. यामागचं रहस्य अजून कोणालाच समजलेलं नाही.
असाच एक व्हिडीओ सध्या व्हायरल होत आहे, तो पाहून सगळेच आश्चर्यचकित झाले आहेत. लोकांना प्रश्न पडला आहे की, या व्हिडिओमध्ये इतकं खास काय आहे की त्याला इतके व्ह्यूज मिळाले आहेत. ना डान्स, ना टॅलेंट दाखवलं, तरीही हा व्हिडीओ तुफान व्हायरल झाला आहे आणि लोक तो पुन्हा पुन्हा बघत आहेत.
@khushivideos1m इन्स्टाग्राम हँडलवर 19 ऑक्टोबर रोजी हा व्हि़डीओ पोस्ट करण्यात आला होता. ३० मिलियनहून अधिक व्ह्यूज मिळाल्याबद्दल सर्वांचे आभार असं व्हिडीओच्या कॅप्शनमध्ये म्हटलं आहे. व्हिडिओच्या सुरुवातीला, पिवळ्या रंगाचा ड्रेस घातलेली एक तरुणी दिसत आहे, जी रस्त्यावर कॅमेरा सेट करते.
कॅमेरा ठेवल्यानंतर ती वळते आणि रस्त्यावर वेगाने पळू लागते. डान्स नाही, अभिनय नाही, काही नाही... ती फक्त धावत राहते. या व्हिडीओला एवढे जास्त व्ह्यूज कसे मिळाले असतील या विचाराने लोकही हैराण झाले आहेत. हा व्हिडीओ सोशल मीडियावर व्हायरल झाल्यानंतर लोकांकडून मजेशीर कमेंट्स केल्या जात आहेत. मी माझ्या समस्यांपासून असाच पळतो असं एकाने म्हटलं आहे.