Stunt Video Viral : सोशल मीडियावर तरूणांचे आणि तरूणींचे अनेक व्हिडीओ सोशल मीडियावर व्हायरल होत असतात. यातील काही व्हिडीओ हे मजेदार तर काही थरारक असतात. सध्या एक हैराण करणारा व्हिडीओ चर्चेत आला आहे. या व्हिडीओत एक तरूण आणि एक बुरका घातलेली महिला बाईकवर स्टंट करताना दिसत आहे.
व्हिडिओत तुम्ही बघू शकता की, बुरका घातलेली एक मुलगी बाइकवर मागच्या सीटवर बसण्याऐवजी बाइकच्या टाकीवर बसलेली आहे. तरूण रोडवर वेगाने बाइक चालवत आहे. अशात या घटनेचा पाठीमागून धावणाऱ्या दुचाकीवर बसलेल्या तरुणाने त्यांचा व्हिडिओ रेकॉर्ड केला.
व्हिडीओ शूट होत असल्याचे पाहून स्टंट करणारा तरूण थांबतो आणि व्हिडिओ बनवणाऱ्या तरुणाला धमकावतो. त्याला धमक्या दिल्याचीही व्हिडीओमध्ये दिसत आहे. आता हे दोन्ही व्हिडिओ सोशल मीडियावर मोठ्या प्रमाणात व्हायरल होत आहेत. या तरूण आणि तरुणीवर कडक कारवाई करण्याची मागणी नागरिक करत आहेत.