Viral Auto Driver: सध्याच्या धावपळीच्या कॉर्पोरेट जगात, जिथे जास्त पगाराच्या नोकऱ्या गमावल्याने लोक पूर्णपणे खचून जातात, तिथे बंगळूरुच्या एका ऑटोचालकाची कहाणी सोशल मीडियावर सध्या लाखो लोकांना जगण्याचा खरा अर्थ शिकवत आहे. आपली जास्त पगाराची कॉर्पोरेट नोकरी गमावल्यानंतर प्रचंड नैराश्यात गेलेल्या या व्यक्तीने हार न मानता साधेपणाने रिक्षा चालवण्याचा निर्णय घेतला आहे. त्याने बनवलेला एक छोटासा व्हिडिओ 'एका पराभवानंतर आयुष्य संपत नाही' हा मौल्यवान संदेश देत आहे.
'मी खचलो होतो, पण आता लढायला तयार आहे!
राकेश नावाच्या या ऑटोचालकाने आपला व्हिडिओ अशा लोकांसाठी बनवला आहे, ज्यांना आयुष्यात एकदा अपयश आल्यावर जगणे असह्य वाटते. राकेश व्हिडिओमध्ये प्रामाणिकपणे सांगतो, "मी आयुष्याची आशा सोडली होती आणि मला वाटले होते की मी कधीच यातून सावरू शकणार नाही." पण परिस्थिती स्वीकारून त्याने पुन्हा उभे राहण्याचा निर्णय घेतला. तो पुढे म्हणतो, "पण आता मी इथे ऑटो चालवत आहे आणि माझे आयुष्य संपलेले नाहीये. आता माझ्या मार्गात जे काही येईल, त्याला मी सामोरे जाईन, मी अजिबात घाबरलेलो नाही."
राकेशच्या मते, पैसा आवश्यक आहे, पण तोच सर्वस्व नाही. "आयुष्यात अशा अनेक गोष्टी महत्त्वाच्या आहेत, ज्या पैशापेक्षा जास्त महत्त्वाच्या आहेत. आपल्या जीवनाची किंमत करा आणि तुमचा खरा उद्देश शोधा," असा मोलाचा सल्ला तो देतो.
राकेशचा हा व्हिडिओ @WokePandemic नावाच्या युजरने एक्सवर पोस्ट केला आहे. "बंगळूरुमध्ये कॉर्पोरेट नोकरी गमावून आता ऑटो रिक्षा चालवणारा हा माणूस. त्याचा जीवन आणि पैशाबद्दलचा संदेश खास आहे," असे कॅप्शन या व्हिडीओला देण्यात आलं आहे.
आव्हानांना घाबरू नका, तोंड द्या!
राकेशचे म्हणणे हेच आहे की आयुष्यात येणाऱ्या अडचणींना टाळणे किंवा त्यापासून पळून जाणे व्यर्थ आहे. समस्या तुमच्याच आहेत, त्या सोडवण्यासाठी दुसरा कोणी येणार नाही. व्हिडिओच्या शेवटी तो म्हणतो, "आपल्या अडचणींना घाबरू नका, पळून जाऊ नका, त्याला सामोरे जा."
या व्हिडिओने सोशल मीडियावरील अनेक युजर्संना विचार करायला लावला आहे. एका युजरने प्रतिक्रिया दिली की, 'त्या चमकदार काचेच्या इमारती बाहेरून खूप चांगल्या दिसतात, पण आतून ते नरक आहे. कॉर्पोरेट आयुष्याची ही दुःखद कहाणी आहे.' तर दुसऱ्या एका यूजरने सांगितले की, 'पैसा नेहमीच कमी असतो. तुम्हाला फक्त गरज नसलेल्या वस्तूंवर खर्च करण्याची सवय सोडावी लागेल आणि क्षणोक्षणी जगावे लागेल.'
Web Summary : Losing his corporate job, Rakesh from Bangalore turned to driving an auto-rickshaw. His inspiring video emphasizes life's value beyond money, urging viewers to face challenges head-on and find true purpose after setbacks. He shares a message of resilience.
Web Summary : बैंगलोर में नौकरी छूटने पर निराश राकेश ने ऑटो चलाना शुरू किया। उनका प्रेरणादायक वीडियो पैसे से परे जीवन के मूल्य पर जोर देता है, और दर्शकों को चुनौतियों का सामना करने और असफलताओं के बाद सच्चा उद्देश्य खोजने के लिए प्रोत्साहित करता है। उन्होंने लचीलापन का संदेश दिया।