सोशल मीडियावर अनेक फोटो व्हायरल होतात. काही प्रेरणादायी असतात, तर काही मजेशीर. काही फोटोंमधून लोकांना संदेश मिळतो. तर काही फोटो पाहून डोकं चक्रावून जातं. असाच एक फोटो सोशल मीडियावर व्हायरल झाला आहे. तो पाहून भलेभले चक्रावून गेले आहेत.
या फोटोत अनेकांना सुरुवातीला गाढव दिसतंय. फोटो पाहताच क्षणी दिसणारं गाढव नंतर मात्र काहीतरी वेगळंच वाटू लागतं. ९९ टक्के लोकांना फोटोत गाढव आहे असंच वाटतंय. या फोटोला निरखून पाहू लागल्यावर, निरीक्षण केल्यावर मनात संभ्रम निर्माण होतो.
अनेक सेलिब्रिटींदेखील या फोटोत नेमकं काय दिसतंय, त्यावर विचार केला. प्रत्येकानं त्याला काय वाटतंय, ते ट्विटरवर शेअर केलं. आतापर्यंत जवळपास दीड लाख लोकांनी ही पोस्ट लाईक केली आहे. फोटो पाहून अनेकांनी कमेंट्स केल्या आहेत. त्यामुळे सोशल मीडियावर 'अंदाज अपना अपना' पाहायला मिळत आहे.