‘सिंधुदुर्ग’च्या विद्यार्थिनीची ‘आशियाई’साठी निवड

हाँगकाँग येथे पॉवर लिफ्टिंगमध्ये खेळणार

वेंगुर्ले : येथील सिंधुदुर्ग विद्यानिकेतनच्या डायना डिसोजा व नमिता गावडे या विद्यार्थिनींची हाँगकाँग येथे होणाऱ्या आशियाई पॉवर लिफ्टिंग स्पर्धेसाठी निवड झाली आहे. सत्यमंगल-तमिळनाडू येथे २३ ते २६ मे या कालावधीत सब ज्युनिअर राष्ट्रीय पॉवर लिफ्टिंग व आंतरराष्ट्रीय निवड चाचणी स्पर्धा घेण्यात आली. यात ८४ किलो वजन गटामध्ये ब्राँझपदक विजेती डायना डिसोजा व ७२ किलो वजनी गटांमध्ये ब्राँझपदक विजेती नमिता गावडे यांची हाँगकाँग येथे होणाऱ्या आशियाई पॉवर लिफ्टिंग स्पर्धेसाठी निवड झाली. ही स्पर्धा २३ ते २६ जुलै दरम्यान हाँगकाँग येथे होणार आहे.या खेळाडूंना जिल्हा पॉवर लिफ्टिंग असोसिएशचे अध्यक्ष पुष्कराज कोले, मानद सल्लागार मधुकर दरेकर, उपाध्यक्ष दिलीप नार्वेकर, सिंधुदुर्ग विद्यानिकेतनचे उपाध्यक्ष इर्शाद शेख, संचालक प्रशांत नेरूरकर, सचिव आनंदा परुळेकर, प्राचार्य स्वरा तळेकर, बॅ. खर्डेकर कॉलेजचे प्राचार्य डॉ. विलास देऊलकर यांचे मार्गदर्शन व प्रोत्साहन लाभले. (प्रतिनिधी)