आॅनलाईन लोकमत
कुडाळ (जि. सिंधुदुर्ग), दि. २६ : खारेपाटण येथील अतिउच्चदाबाची २२0 केव्ही विद्युत वाहिनी रविवारी सायंकाळी बंद पडल्यामुळे संपूर्ण सिंधुदुर्ग जिल्ह्यात वीजेचा पुरवठा बंद राहिला.
वाहिनी बंद पडल्यामुळे संपूर्ण सिंधुदुर्ग जिल्ह्याच्या वीज पुरवठ्यावर परिणाम झाला. पाउसही जोरदार असल्यामुळे हा वीजेचा पुरवठा पुन्हा सुरु करण्याच्या कामात अडथळा निर्माण झाल्याने महावितरणच्या कर्मचाऱ्यांना वीज पुरवठा सुरळीत करता आला नाही. तो पूर्ववत करण्यासाठी प्रयत्न सुरु होते. किमान दोन ते अडीच तास हा पुरवठा बंद होता.
महावितरणकडून पर्यायी वीज पुरवठा करण्यासाठी प्रयत्न सुरु होते. कुडाळच्या महावितरणकडून सिंधुदुर्ग जिल्ह्यातील ग्राहकांनी सहकार्य करावे, असे आवाहन केले होते.