सिंधुदुर्गातील आचरा उपकेंद्र कार्यान्वित करा !

अन्यथा आंदोलन, ग्रामस्थांचा इशारा

आॅनलाईन लोकमतआचरा, (जि. सिंधुदुर्ग), दि. २ : आचरा भागातील विद्युत समस्या निवारण्यासाठी महत्वाचे असणा-या आचरा उपकेंद्राचे काम दिवाळीपर्यंत कार्यान्वित करण्याचे आश्वासन कणकवली येथील कार्यकारी अभियंत्यांनी आचरावासियांना देऊनही उपकेंद्र सुरू झालेले नाही. वीज कंपनीने तातडीने उपकेंद्र कार्यान्वित न केल्यास जनआंदोलन उभारण्याचा इशारा आचरा ग्रामस्थांनी दिला आहे.