जर तुम्हाला वाटत असेल की, तारूण्यात खासकरून पंचविशीत ठेवले जाणारे शारीरिक संबंध सर्वात चांगले आणि अद्भूत असतात तर असं अजिबात नसतं. जास्तीत जास्त लोकांची धारणा हीच असते की, जेव्हा तुम्ही तरूण असता तेव्हाच शारीरिक संबंधाचा चांगला आनंद घेऊ शकता. पण असं नेहमी आणि सगळ्यांसोबत होत नसतं. कारण तुमचं लैंगिक जीवन तुमच्या वयावर आणि बॉडी टाइपवर निर्भर नसतं.
'या' वयात सर्वात जास्त आनंद
टाइम्स ऑफ इंडियाने दिलेल्या वृत्तानुसार, अमेरिकेतील वेबसाइट मॅच डॉट कॉमकडून २०१८ मध्ये एक रिसर्च करण्यात आला होता. या रिसर्चला 'सिंगल्स इन अमेरिका' असं नाव देण्यात आलं होतं. या रिसर्चमध्ये जास्तीत जास्त लोकांनी हे मान्य केलं की, ६० व्या वयात ठेवले गेलेले शारीरिक संबंध त्यांच्या जीवनातील सर्वात चांगला अनुभव देणारे होते. या रिसर्चमध्ये ६६ सिंगल महिला आणि ६४ पुरूषांचा समावेश करण्यात आला होता.
सेक्सची नसते एक्सपायरी डेट
तुम्हाला जर शारीरिक संबंधाबाबत फार माहिती नसेल तर हे जाणून घ्या की, शारीरिक संबंधाची कोणतीही एक्सपायरी डेट नसते. तर शारीरिक संबंध ठेवण्यासाठी तुमच्यात इच्छा असणे हीच बाब पुरेशी आहे. तसेच या रिसर्चमधून हेही स्पष्ट होतं की, चांगल्या शारीरिक संबंधासाठी तुम्ही तरूणच असावं किंवा तुमची बॉडी चांगली असावी हे गरजेचं नाही.
७५ टक्के वृद्ध लैंगिक जीवनात आनंदी
या रिसर्चमधून ही बाब सुद्धा समोर आली की, साधारण ७५ टक्के वृद्ध लोक त्यांच्या लैगिक जीवनात फार आनंदी आहेत आणि याचं सर्वात मोठं कारण हे आहे की, या वयात येईपर्यंत त्यांना चांगल्याप्रकारे माहीत झालेलं असतं की, त्यांना बेडमध्ये काय आणि कसं हवं आहे. तेच तरूण मंडळी त्यांच्या लैंगिक जीवनात शारीरिक संबंधादरम्यान असे काही हाय स्टॅंडर्ड सेट करतात की, ते मिळवणे त्यांना शक्य होत नाही. आणि त्यांना शारीरिक संबंधावेळी कन्फर्टेबल फिल होत नाही.
शरीराच्या समस्या सोडून एन्जॉय करा
या रिसर्चमधून एक महत्त्वाची बाब समोर आली ती ही की, तुम्ही केवळ शारीरिक संबंधच नाही तर लाइफही मोकळेपणाने एन्जॉय करायला पाहिजे. तसेच शरीराच्या समस्यांबाबत फार जास्त विचारही करू नये. ६० व्या वयात तुम्ही बेस्ट सेक्स यामुळे करू शकाल, कारण यावेळी तुमच्या अपेक्षा कमी झालेल्या असतात आणि तुम्हाला माहीत असतं की, तुम्हाला काय हवंय.