रणदुल्लाबाद विकास सेवा सोसायटी अध्यक्षपदी विश्वास जगताप

पिंपोडे बुद्रुक : रणदुल्लाबाद (ता. कोरेगाव) येथिल विकास सेवा सोसायटी अध्यक्षपदी विश्वास जगताप तर उपाध्यक्षपदी विठ्ठल चव्हाण यांची बिनविरोध निवड करण्यात आली.

ठरल्याप्रमाणे मुदतीनंतर पूर्व अध्यक्ष व उपाध्यक्ष यांनी राजीनामा दिल्यानंतर रिक्त झालेल्या जागांवर निवडीसाठी आयोजित निवडणूक कार्यक्रमात विश्वास जगताप यांची अध्यक्ष, तर उपाध्यक्षपदी विठ्ठल चव्हाण यांच्या नावाची घोषणा करण्यात आली. यावेळी संचालक, सभासद आदी मोठ्या संख्येने उपस्थित होते.

निवडीनंतर कोरेगाव कृषी उत्पन्न बाजार समितीचे माजी अध्यक्ष गुलाबराव जगताप, ज्येष्ठ मार्गदर्शक रवींद्र जगताप, सदाशिव जगताप,माजी सरपंच प्रदीप जगताप, दत्त दिगंबर दूध संस्था अध्यक्ष प्रमोद जगताप, संपतराव जगताप, भरत बर्गे, उत्तम जगताप, वसंतराव जगताप यांनी उभयंताचे कौतुक केले.

दरम्यान, सभासदाच्या व सोसायटीच्या विकासासाठी प्राधान्याने पाठपुरावा करणार असल्याचे अध्यक्ष विश्वास जगताप यांनी सांगितले.