सातारा : जावळी तालुका काँग्रेस कमिटीच्या अध्यक्षपदी विक्रम कृष्णराव तरडे, तर उपाध्यक्षपदी राजेंद्र संपतराव शिंदे यांची नियुक्ती करण्यात आली आहे. सातारा जिल्हा काँग्रेस भवनातून देण्यात आलेल्या प्रसिद्धीपत्रकात ही माहिती देण्यात आली.
प्रदेशाध्यक्ष नाना पटोले आणि जिल्हाध्यक्ष डॉ. सुरेश जाधव यांच्या संयुक्त बैठकीत जावळी तालुका कार्यकारिणीची रचना करण्यात आली.
कमिटीचे पदाधिकारी व कार्यकारणी याप्रमाणे सरचिटणीस अंकुश महामुलकर, चिटणीस भिकू नाना बर्ग, खजिनदार संदीप प्रकाश माने. कार्यकारिणी सदस्य जिजाबा निकम, शिवाजीराव गायकवाड, प्रकाश परामणे, रोहिणी निंबाळकर, दत्तात्रय धनवडे, तानाजी रांजणे, जयश्री सपकाळ, संगीता शेलार, अशोक विधाते, प्रकाश निंबाळकर, शरद मोरे, कैलास बाबू परिहार, किसन अण्णा निकम, नूतन अध्यक्ष विक्रम तरडे जावळीचे माजी आमदार कृष्णराव तरडे यांचे सुपुत्र असून, उपाध्यक्ष राजेंद्र शिंदे हे प्रगतिशील शेतकरी, सामाजिक कार्यकर्ते आहेत. जावळी तालुक्यात काँग्रेस पक्षाला गतवैभव मिळवून देण्यासाठी प्रयत्न करू, असे त्यांनी सांगितले.
दरम्यान, नूतन कार्यकारिणीचे ज्येष्ठ नेते, माजी मुख्यमंत्री पृथ्वीराज चव्हाण, जिल्हाध्यक्ष डॉ. सुरेश जाधव, ज्येष्ठ नेते प्रल्हादभाऊ चव्हाण, खजिनदार बाबासाहेब कदम, प्रदेश प्रतिनिधी राजेंद्र शेलार, बाबूराव शिंदे आदींनी कौतुक केले.
आयकार्ड फोटो : विक्रम तरडे; राजेंद्र शिंदे