सातारा : सातारा तालुक्याचे भाग्यविधाते, माजी सहकारमंत्री अभयसिंहराजे भोसले तथा भाऊसाहेब महाराज यांच्या १७ व्या स्मृती दिनानिमित्त गुरुवार, दि. ४ रोजी विविध कार्यक्रमांचे आयोजन करण्यात आले आहे.
भाऊसाहेब महाराज यांच्या स्मृतिदिनानिमित्त सकाळी ९ वाजता शाहूनगर-शेंद्रे (ता. सातारा) येथे अजिंक्यतारा सहकारी साखर कारखान्याच्या कार्यस्थळावर अभयसिंहराजे भोसले यांच्या स्मृतिस्थळावर पुष्पांजली अर्पण व पूर्णाकृती पुतळ्यास अभिवादन कार्यक्रम होणार आहे. गजवडी ता. जि. सातारा येथे स्वराज्य क्रीडा मंडळ सोनवडी-गजवडी व श्रीमंत छत्रपती अभयसिंहराजे भोसले विद्यालय व ज्युनियर कॉलेज यांच्या संयुक्त विद्यमाने जिल्हास्तरीय खो-खो स्पर्धेचे आयोजन करण्यात आले आहे. सातारा जिल्हा मध्यवर्ती सहकारी बँक, सातारा पंचायत समिती यासह विविध स्थानिक स्वराज्य संस्था, सहकारी संस्था, सोसायट्या आदी कार्यालयात व संस्थांमध्ये अभिवादनाचा कार्यक्रम होणार आहे. (वा.प्र.)
(अभयसिंहराजे भोसले यांचा फोटो वापरणे)