पाचवड : पाचवड व परिसरामधील वाढत्या कोरोना रुग्णसंख्येचा विचार करून नवलाई पतसंस्थातर्फे या रुग्णांना आवश्यक असणारे ऑक्सिजन मशीन पाचवडच्या आरोग्य उपकेंद्रास वितरित करण्यात आले.
भुईंज जिल्हा परिषद गटाचे कार्यक्षेत्र असलेल्या नवलाई पतसंस्थेने नेहमीच आपल्या सभासदांच्या अडीअडचणींचा विचार करून त्या अडचणी सोडवण्याचा प्रयत्न केला आहे. त्याचबरोबर सामाजिक बंधिलकीही जपली आहे. त्याच अनुषंगाने संस्थेच्या कार्यक्षेत्रातील सर्व सभासद, ठेवीदार व नागरिकांना कोरोना विषाणूच्या पार्श्वभूमीवर ऑक्सिजन मशीनची गरज भासत आहे. याकरिता संस्थेतर्फे पाचवड आरोग्य उपकेंद्रास ऑक्सिजन मशीन वितरित करण्यात आले. गरजू रुग्णांनी सदर मशीनचा लाभ घेण्याचे आवाहन नवलाई पतसंस्थेच्या संचालक मंडळाने केले आहे. यावेळी वाई पंचायत समितीच्या सभापती संगीता चव्हाण, पाचवड ग्रामपंचायतीचे उपसरपंच कमलाकर गायकवाड, नवलाई पतसंस्थेचे सर्व संचालक, सचिव, पाचवड आरोग्य उपकेंद्रातील आरोग्य कर्मचारी उपस्थित होते.