वाई : मेणवलीच्या सरपंचपदी लक्ष्मी प्रमोद वेदपाठक तर उपसरपंचपदी संजय हणमंत चौधरी यांची बिनविरोध निवड झाली. मेणवली ग्रामपंचायतीत राष्ट्रवादीने एकहाती सत्ता मिळविण्यात यश मिळविले आहे.
मेणवली ग्रामपंचायतीच्या नवनिर्वाचित सदस्यांच्या झालेल्या बैठकीत ही निवड करण्यात आली. सरपंचपद हे नागरिकांचा मागास प्रवर्ग स्त्रीसाठी राखीव असल्याने लक्ष्मी वेदपाठक यांचा एकमेव अर्ज दाखल झाला. तर उपसरपंचपदासाठी संजय चौधरी यांचा एकमेव अर्ज दाखल झाल्याने त्यांची बिनविरोध निवड घोषित करण्यात आली. निवडणूक निर्णय अधिकारी म्हणून एन. एस. धुमाळ यांनी काम पाहिले. त्यांना ग्रामसेवक शुभांगी चव्हाण यांनी सहकार्य केले. यावेळी नवनिर्वाचित सदस्य मारुती काटे, आशा चौधरी, योगिता चौधरी, सुषमा चौधरी, मयूर धर्माधिकारी, राजश्री जाधव उपस्थित होते.
आयकार्ड फोटो
१३लक्ष्मी वेदपाठक
१३ संजय चौधरी