आदर्की : फलटण पश्चिम भागात राष्ट्रवादी पुरस्कृत राजे गट विरोधात हिंगणगाव व बिबी येथे स्थानिक आघाडीने आव्हान उभे केले आहे, तर कापशी, आळजापूर, घाडगेवाडी येथे राजे विरोधात राजे अशी रंगतदार लढत होत आहे.
फलटण पश्चिम तालुक्यात हिगणगाव ग्रामपंचायत निवडणुकीत राष्ट्रवादी पुरस्कृत राजे गट पॅनल, स्थानिक आघाडी भैरवनाथ व परिवर्तन पॅनलने आव्हान उभे केले. हिंगणगाव येथे जिल्हा परिषदेचे माजी अध्यक्ष संजीवराजे नाईक - निंबाळकर प्रचारात उतरल्याने रंगत वाढली आहे. बिबी येथे राष्ट्रवादी, राजे गट महाविकास आघाडी, वाघजाई देवी ग्रामविकास पॅनल व स्थानिक भैरवनाथ पॅनल यांच्यामध्ये लढत होत आहे. कापशी, आळजापूर, घाडगेवाडी येथे राजे गट विरोधी राजेगट अशी लढत होत आहे. मुळीकवाडी येथे भाजप विरोधी राष्ट्रवादी राजे गट अशी लढत होत आहे. कोपरा सभा, गाठीभेटी, प्रचारसभा, रली, बॅनर यामुळे निवडणुकीत रंगत भरली आहे.