पाटण येथील नगरपंचायत कार्यालयात सोमवारी पीठासन अधिकारी तथा उपविभागीय अधिकारी श्रीरंग तांबे यांच्या मार्गदर्शनाखाली व मुख्याधिकारी अभिषेक परदेशी यांच्या उपस्थितीत या निवडी झाल्या. प्रत्येक सभापती पदासाठी एकमेव अर्ज दाखल झाल्याने सर्वच निवडी बिनविरोध पार पडल्या. यामध्ये पाणीपुरवठा सभापतिपदी उपनगराध्यक्ष विजय ऊर्फ बापू टोळे, महिला व बालकल्याण सभापती रश्मी राजेंद्र राऊत, नियोजन विकास व शिक्षण सभापती योगिता रामचंद्र कुंभार, बांधकाम सभापती किरण पवार व स्थायी समिती सभापती पदावर नगराध्यक्ष अजय कवडे यांची निवड झाली. या निवडीनंतर श्रीरंग तांबे व अभिषेक परदेशी यांनी नवनिर्वाचित निवडी जाहीर करीत पदाधिकाऱ्यांचा सत्कार केला. यावेळी नगरसेवक, नगरसेविका उपस्थित होते.
नवनिर्वाचित सभापतींचा माजी मंत्री विक्रमसिंह पाटणकर, राष्ट्रवादीचे नेते सत्यजितसिंह पाटणकर यांच्या हस्ते सत्कार करण्यात आला. यावेळी पंचायत समिती सभापती राजाभाऊ शेलार, उपसभापती प्रतापराव देसाई, पाटण अर्बन बँकेचे अध्यक्ष दिनकरराव घाडगे, शंकरराव जाधव, अॅड. अविनाश जानुगडे, कोयना शिक्षण संस्थेचे अध्यक्ष डॉ. सोपानराव चव्हाण, सचिव अमरसिंह पाटणकर, माजी जिल्हा परिषद शिक्षण सभापती राजेश पवार, राष्ट्रवादीचे तालुकाध्यक्ष राजाभाऊ काळे, माजी नगराध्यक्ष संजय चव्हाण उपस्थित होते.
फोटो : २३केआरडी०४
कॅप्शन : पाटण नगरपंचायतीच्या विषय समिती सभापती निवडी बिनविरोध पार पडल्यानंतर पदाधिकाऱ्यांचा सत्कार मुख्याधिकारी अभिषेक परदेशी यांच्या हस्ते करण्यात आला.