कोपर्डे हवेली : गेल्या दोन दिवसांपासून पडत असलेल्या वादळीवाऱ्यासह श्वऊसाने वडोली निळेश्वर (ता. कराड) येथील शेतकऱ्यांचे दहा गुंठे क्षेत्रावरील ग्रीन हाऊसचे नुकसान झाले आहे.
गेल्या दोन वर्षांपूर्वी संजय पवार या शेतकऱ्याने आधुनिक तंत्रज्ञान पद्धतीने शेती करण्यासाठी १२ लाख ५० हजार रुपये खर्च करून ग्रीन हाऊस उभारले होते. गतवर्षी वेगवेगळ्या फुलांचे उत्पादन घेतले; परंतु लाॅकडाऊनमुळे फुले विकता आली नाहीत. यंदा ढोबळी मिरचीचे उत्पादन घेतले. या वर्षीही लाॅकडाऊन असल्याचे तीच परिस्थिती निर्माण झाली. त्यामध्ये दुष्काळत तेरावा महिना म्हणावा तसे रविवारी रात्री वादळीवाऱ्यासह पावसाने ग्रीन हाऊसचा कागद तसेच नेट आदी उडून गेल्याने आणि आतील मिरचेचे मोठ्या प्रमाणात नुकसान झाले असून संबंधित विभागाने पंचनामा करून भरपाई द्यावी, अशी मागणी होत आहे.
कोट
दोन वर्षांपूर्वी नवीन काय तरी करावे म्हणून १२ लाख ५० हजार रुपये खर्चून पाॅलीहाऊस उभारले. दोन्ही वर्षी लाॅकडाऊन असल्याने फुले आणि ढोबळी मिरचीची विक्री करता आली नसल्याने तोटा झाला तर आता अवकाळी पावसामुळे ग्रीन हाऊसचे नुकसान झाले आहे. त्याची भरपाई मिळावी.
-संजय पवार
शेतकरी, वडोली निळेश्वर, ता. कराड.
फोटो ओळ... वडोली निळेश्वर, ता. कराड येथील शेतकरी संजय पवार यांच्या ग्रीन हाऊसचे पावसाने नुकसान झाले.