कुकुडवाड : देवापूर (ता. माण) येथील ग्रामपंचायत सार्वत्रिक निवडणूक सन २०२० - २१मध्ये आठ जागांसाठी ही निवडणूक लागली होती. या चुरशीच्या निवडणुकीमध्ये काँग्रेस व राष्ट्रवादी गटाचे विरोधी आमदार जयकुमार गोरे यांच्या गटाचा ९-० ने पराभव करीत ग्रामपंचायतीवर एकहाती वर्चस्व निर्माण केले. एकूण नऊ जागांपैकी प्रभाग क्र. ३मधून नागरिकांचा मागास प्रवर्गामध्ये मंगल चव्हाण यांची बिनविरोध निवड करण्यात आली होती.
देवापूर सार्वत्रिक ग्रामपंचायत निवडणुकीमध्ये प्रभाग क्र. १मध्ये सर्वसाधारण प्रवर्गामध्ये शहाजी बाबर (३१८), सर्वसाधारण स्त्री प्रवर्गामध्ये सुनीता कांबळे (३०३), सविता बाबर (२९६), प्रभाग क्र. २मध्ये सर्वसाधारण प्रवर्गामध्ये तात्यासाहेब औताडे (३४८), ना. मा. प्र. स्त्री प्रवर्गामध्ये अलका चव्हाण (३३७), सर्वसाधारण स्त्री प्रवर्गामध्ये तानुबाई बाबर (३३२), प्रभाग क्र. ३मध्ये अनु. जाती प्रवर्गामध्ये निशिगंधा बनसोडे (३७८), अनु. जाती स्त्री प्रवर्गामध्ये मुक्ताबाई बनसोडे (३७५) मते मिळवून श्री शंभू महादेव परिवर्तन पॅनेलने ९-० अशी एकतर्फी सत्ता मिळवली आणि सत्ता परिवर्तन घडवून आणले.
आमदार जयकुमार गोरे गटाच्या शंभू महादेव पॅनलच्या उमेदवारांना मिळालेली मते पुढीलप्रमाणे : प्रभाग क्र. १ मध्ये सर्वसाधारण प्रवर्गामध्ये हणमंत पवार (२२१), सर्वसाधारण स्त्री प्रवर्गामध्ये उर्मिला पोळ (२४६), सारिका बाबर (२३२), प्रभाग क्र. २ मधील सर्वसाधारण प्रवर्गामध्ये किरण बाबर (२३६), ना. मा. प्र. स्त्री प्रवर्गामध्ये स्वाती जाधव (२५१), सर्वसाधारण स्त्री प्रवर्गामध्ये अर्चना बाबर (२५५), प्रभाग क्र. ३ मध्ये अनु. जाती प्रवर्गामध्ये सुप्रिया बनसोडे (२१४), अनु. जाती स्त्री प्रवर्गामध्ये सीमा बनसोडे (२१७) अशी मते मिळवून पराभव पत्करावा लागला. या निवडणुकीमध्ये श्री शंभू महादेव परिवर्तन पॅनेलच्या सर्व कार्यकर्त्यांनी परिश्रम घेऊन एकहाती सत्ता मिळविली.
(कोट)
देवापूर गावात गेली पाच वर्षे सत्ता असून, गावात कोणतीही विकासकामे झाली नाहीत म्हणून सत्ता परिवर्तनाची गरज व गावचा विकास करण्यासाठी मतदारांनी दिलेला एकहाती कौल गावाला विकासाच्या दिशेने घेऊन जाणार आहे.
- शहाजी बाबर, नूतन सदस्य
फोटो...
18देवापूर
देवापूर (ता. माण) ग्रामपंचायत निवडणुकीमध्ये श्री शंभू महादेव पॅनेलच्या उमेदवारांनी यशानंतर हात वर करून जल्लोष साजरा केला. (छाया : सागर बाबर)