नोंदणीला बालचमूंचा भरघोस प्रतिसाद

बालविकास मंचच्या प्रत्येक सभासदास यावर्षी मनोरंजनाच्या भरघोस मेजवानीसोबत मोफत सुविधा आणि लकी ड्रॉमधून अनेक बक्षिसे

सातारा : वेगवेगळ्या स्पर्धांची, भन्नाट मनोरंजनाची, वाढत्या कॉन्फिडन्सची धम्माल असलेल्या ‘लोकमत बालविकास मंच’च्या या वर्षातील सभासद नोंदणीचा शुभारंभ येथील विविध शाळांमध्ये थाटात झाला आहे. २०१४-१५ च्या सदस्य नोंदणीत विद्यार्थ्यांना ‘हमखास गिफ्ट’ आणि ‘सक्सेस स्टोरीज’ हे पुस्तक देण्यात आले आहे.बालविकास मंचच्या प्रत्येक सभासदास यावर्षी मनोरंजनाच्या भरघोस मेजवानीसोबत मोफत सुविधा आणि लकी ड्रॉमधून अनेक बक्षिसे मिळविता येणार आहेत. १५० रुपये इतके अल्प सभासद शुल्क भरून प्रत्येक सभासदाला १५४ रुपये किमतीची वॉटर बॉटल, १०० रुपये किमतीचे ‘सक्सेस स्टोरीज’ पुस्तक मोफत मिळणार आहे. याशिवाय अमर सायकल एजन्सीच्या फायरफॉक्स बाईक स्टेशनमार्फत ८,००० रुपये किमतीची स्पोर्टस् सायकल लकी ड्रॉमधून जिंकता येणार आहे. सोबतच ‘राहुल ज्यूस सेंटरच्या सौजन्याने ३० भाग्यवान सदस्यांना वाढदिवसानिमित्त चार व्यक्तींना मँगोशेक मोफत मिळणार आहे. तर हमखास बक्षिसांमध्ये प्रत्येक सभासदाला सिटी सेंटरतर्फे १५० रुपयांचे खरेदी कूपन मिळणार असून, खरेदीवर हमखास भेटवस्तूदेखील मिळणार आहे. सभासदांच्या मातेला सलोनी ब्युटीपार्लरच्या वतीने १५० रुपयांचे हेअरकट सुविधा मोफत मिळणार आहे आणि लायन्स क्लब आॅफ सातारा कॅम्प संचलित नॅब हॉस्पिटलमार्फत डोळ्यांची तपासणी आणि चष्मा लागला असल्यास नंबरचा चष्मा एम्पथी फाउंडेशनमार्फत मोफत दिला जाणार आहे. सभासद झाल्यानंतर केवळ १५० रुपयांमध्ये जवळपास २५४ रुपयांच्या भेटवस्तू आणि जवळपास ६०० रुपयांच्या मोफत सुविधा सभासदांना मिळणार आहेत. नर्सरी ते दहावीपर्यंतचे विद्यार्थी बालविकास मंचमध्ये सहभागी होऊ शकतात. या सभासद नोंदणीचे फॉर्म गुरुकुल स्कूल, रयत इंग्लिश मीडियम स्कूल, अण्णासाहेब कल्याणी प्राथमिक व माध्यमिक विद्यालय, सेंट पॉल्स स्कूल, श्रीपतराव पाटील हायस्कूल, दात्तार शैंदुरे इंग्लिश मीडियम स्कूल, डॉ. जे डब्लू. आर्यन अ‍ॅकॅडमी, अण्णासाहेब राजेभोसले प्राथमिक विद्यालय या शाळांमध्ये वितरित केले आहे. शहरातील इतर शाळांमध्येही येत्या काही दिवसांत नोंदणीचे फॉर्म वितरित करण्यात येईल. सभासद होण्यासाठी ‘लोकमत’ कार्यालय, गुरुअलंकार कॉम्प्लेक्स, शेटे चौक, गुरुवार पेठ, सातारा येथे संपर्क साधावा. (प्रतिनिधी)