तांबवे ते उत्तर तांबवे ( ता.कराड ) या रस्त्याचे विशेष दुरुस्ती अंतर्गत रस्ता खडीकरण व डांबरीकरणाचे भूमिपूजन जिल्हा परिषद सदस्य प्रदीप पाटील यांच्या हस्ते झाले. गृह व वित्त राज्यमंत्री शंभूराज देसाई यांच्या फंडातून २० लाख रुपये खर्चून हे काम होणार आहे.
तांबवे येथील जिल्हा परिषद शाळेजवळ जिल्हा परिषद सदस्य प्रदीप पाटील यांच्या हस्ते भूमिपूजन करण्यात आले. यावेळी सह्याद्री सहकारी साखर कारखान्याचे संचालक रामचंद्र पाटील,कोयना बँकेचे संचालक अविनाश पाटील, उपसरपंच ॲड. विजय पाटील,सतीश पाटील, दिलीप पाटील, भारती विद्यापीठाचे सेवानिवृत्त मुख्याध्यापक तात्यासाहेब पाटील, गुणवंत पाटील, एकेश्वरी पाणीपुरवठा संस्थेचे अध्यक्ष राजेंद्र पाटील, प्रल्हाद पवार, दादासाहेब पाटील, मुन्नाभाई संदे,आबासाहेब पाटील, पवार, सुधाकर पाटील, दादा शिंदे, हर्षल पाटील, निलेश फल्ले उपस्थित होते.
या रस्त्यामुळे लगजी पाटील वस्ती, लिंगू पाटील वस्ती, नरी पाटील वस्ती, ताटे वस्ती या वस्त्यांचे ग्रामस्थांसह,शेतकरी, तांबवे-उत्तर तांबवे, साजुर, आरेवाडी,गमेवाडी या गावांचा दळणवळणासाठी,वाहतुकीस मदत होणार आहे.
फोटो : तांबवे ( ता. कराड ) येथे रस्त्याचे भूमिपूजन करताना प्रदीप पाटील व इतर मान्यवर.