सातारा : खटाव तालुक्यातील जाखणगाव येथे न्यू इंग्लिश स्कूलसमोर एका ड्रायव्हरला दगड, लाथाबुक्क्यांनी मारहाण करुन जीवे मारण्याची धमकी दिल्याप्रकरणी पुसेगाव पोलीस ठाण्यात विशाल मदने, सुरज मदने, अनिल मदने यांच्यावर गुन्हा दाखल झाला आहे.
याबाबत पोलिसांनी दिलेली माहिती अशी, मल्हारी शशिकांत मदने (वय ३०, रा. जाखणगाव - रामोशीवाडी, ता. खटाव) याला विशाल दिलीप मदने, सुरज दिलीप मदने, अनिल दिलीप मदने (सर्व रा. जाखणगाव -रामोशीवाडी) यांनी जुन्या भांडणाचा राग मनात धरुन जाखणगाव येथील न्यू इंग्लिश स्कूलसमोर दगड, लाथाबुक्क्यांनी मारहाण करुन शिवीगाळ केली. यावेळी मल्हारी यांना या तिघांनी जीवे मारण्याची धमकीही दिली. या घटनेनंतर मल्हारी यांनी पुसेगाव पोलीस ठाण्यात तक्रार दिली असून, अधिक तपास पोलीस नाईक एस. के. भिलारे करत आहेत.