Satara: फलटणमध्ये आढळला दुर्मीळ जांभळी लिटकुरी पक्षी

मलटण : फलटणमध्ये प्रथमच दुर्मीळ ब्लॅक-नेपड मोनार्क जातीचा पक्षी आढळून आला आहे. हा पक्षी नेचर अँड वाइल्ड लाईफ वेल्फेअर सोसायटीमधील वन्यजीव अभ्यासक रवींद्र लिपारे, गणेश धुमाळ आणि साकेत अहिवळे यांना पक्षी निरीक्षण करत असताना दिसून आला.ब्लॅक-नेपड मोनार्क किंवा ब्लॅक-नेपड ब्लू फ्लायकॅचर मराठी नाव जांभळी लिटकुरी नावाचा हा पक्षी दक्षिण आणि दक्षिण-पूर्व आशियामध्ये आढळणारा मोनार्क फ्लायकॅचरच्या कुटुंबातील एक सडपातळ आणि चपळ पॅसेरीन पक्षी आहे. नराच्या डोक्याच्या मागील बाजूस विशिष्ट काळा ठिपका असतो आणि एक अरुंद काळी अर्धी कॉलर नेकलेस असते. तर मादी ऑलिव्ह तपकिरी पंख असलेली निस्तेज असते. डोक्यावर काळ्या खुणा नसतात. त्यांच्याकडे एशियन पॅराडाईज फ्लायकॅचर सारखाच कॉल आहे.उष्ण कटिबंधीय वन अधिवासात, जोड्या मिश्र-प्रजातीच्या चारा कळपांमध्ये सामील होऊ शकतात. पिसारा, रंग आणि आकारात लोकसंख्या थोडी वेगळी असते. हा पक्षी फलटणमध्ये प्रथमच आढळून आल्याने पक्षीप्रेमींमध्ये आनंदाचे वातावरण आहे.जांभळी लिटकुरी :हा पक्षी चिमणीच्या आकाराचा असून नर गडद निळ्या रंगाचा, मानेजवळ आणि छातीवर काळा कंठा, मादी फिक्या निळ्या राखाडी रंगाची, पोटाखालील भाग फिकट पांढरा आणि मानेजवळील व छातीवरील काळ्या कंठ्याचा अभाव. याच्या शेपटीचा आकार अर्धवट उघडलेल्या पंख्याप्रमाणे असतो.