लोकमत न्यूज नेटवर्क
म्हैसाळ : वड्डी ग्रामपंचायतीच्या उपसरपंचपदी रूपाली सुहास मगदूम यांची बिनविरोध निवड झाली. तत्कालीन उपसरपंच राजू वजीर यांच्या राजीनाम्यामुळे महिनाभरापासून पद रिक्त होते. त्यावर निवडीसाठी प्रक्रिया झाली. यावेळी सरपंच अमीरुन वजीर, सदस्य राजू वजीर, सविता सातपुते, रोहिणी वाघमारे, निसार पटेल, सुवर्णा नाईक, शोभा खोबरे, दीपक वाघमारे, कल्लाप्पा नाईक, जनाबाई कोळी आदी उपस्थित होते. निर्णय अधिकारी म्हणून सरपंच वजीर तर सहायक म्हणून ग्रामविकास अधिकारी महेशकुमार लांडे यांनी काम पाहिले.
निवड बिनविरोध होण्यासाठी माजी सरपंच करीमखान वजीर, राजू खोबरे, राजू सनदी, तंटामुक्ती अध्यक्ष बसाप्पा मगदूम, बबन कोळी, प्रकाश नाईक, सर्जेराव वाघमारे, आनंदा कोरे, भास्कर कांबळे, मारुती नाईक, सागर मगदूम, चंद्रकांत मगदूम, महेश मगदूम, छोटू नाईक, संजय फडतरे, किरण मगदूम यांनी परिश्रम घेतले.