डॉ. ओंकार वाले व ग्रामीण पोलीस ठाण्यातील कर्मचारी सनी स्वामी हे दोघे वाले यांच्या मोटारीतून एका कार्यक्रमासाठी गेले होते. ते मिरजेकडे परत येताना बेडग-म्हैसाळ आडवा रस्त्यावर वाले यांच्या माेटारीस (क्र. एमएच १० सीआर २९३९) समोरून भरधाव वेगात आलेल्या महामार्ग ठेकेदाराच्या डंपरने (क्र. एमएच १० सीआर २४२८) जोरदार धडक दिली. या धडकेत मोटारीचा चक्काचूर होऊन ट्रकचे पुढील उजव्या बाजूचे चाक निखळले. अपघातात डॉ. वाले यांचा जागीच मृत्यु झाला.
अपघाताची माहिती मिळताच मिरज ग्रामीण पोलीस घटनास्थळी दाखल झाले. जखमी पोलीस स्वामी यांना तातडीने उपचारासाठी रुग्णालयात दाखल करण्यात आले.
याबाबत मिरज ग्रामीण पोलीस ठाण्यात डंपरचालकाविरुद्ध गुन्हा दाखल करण्यात आला आहे. डाॅ. वाले हे गेली काही वर्षे बेडग येथे वैद्यकीय व्यवसाय करीत होते.
फाेटाे : ०३ ओंकार वाले (सिंगल)
फाेटाे : ०३ मिरज ६
ओळ : मिरज तालुक्यातील म्हैसाळ ते बेडग आडवा रस्त्यावर माेटार व डंपरची धडक झाली. या अपघातात माेटारीचा चक्काचूर झाला, तर डंपरचे पुढील चाक निखळले.