विटा : भाजपचे प्रदेश उपाध्यक्ष आमदार गोपीचंद पडळकर यांच्या भावजय व आटपाडी तालुक्यातील निंबवडे जिल्हा परिषद गटातून विजयी झालेल्या भाजपच्या नूतन जिल्हा परिषद सदस्या माधवी ब्रह्मानंद पडळकर यांच्या निवडीला विटा न्यायालयात आव्हान देण्यात आले आहे. शिंदेसेनेच्या पराभूत उमेदवार विद्या मोटे यांनी गुरुवारी विटा न्यायालयात याचिका दाखल केल्याने राजकीय पटलावर खळबळ उडाली आहे.निंबवडे जिल्हा परिषद गटातून भाजपच्या माधवी पडळकर विरुद्ध शिंदेसेनेच्या विद्या मोटे यांच्यात चुरशीची लढत झाली. या निवडणुकीत भाजपच्या माधवी पडळकर यांचा ९८० मतांनी विजय झाला. परंतु, हा विजय लोकशाही मार्गाने नव्हे तर हुकूमशाही, दमदाटी व दहशतीने झाल्याचे सांगत शिवसेनेच्या पराभूत उमेदवार विद्या मोटे यांनी गुरुवारी विटा न्यायालयात राज्य निवडणूक आयोग व माधवी पडळकर यांच्याविरोधात याचिका दाखल केली. यानंतर विद्या मोटे यांनी पत्रकारांशी संवाद साधला.त्या म्हणाल्या, निंबवडे जिल्हा परिषद गटात निवडणुकीदरम्यान विरोधकांकडून मोठ्या प्रमाणात दहशत माजविण्यात आला. मतदारांच्या डोक्याला बंदूक लावून त्यांना मारहाण करण्यात आली. प्रचाराच्या गाड्या फोडण्यात आल्या. त्यामुळे ही निवडणूक लोकशाही मार्गाने झाली नाही. त्यामुळे निवडणूक प्रक्रियेवेळी घडलेल्या घटनांचे सर्व पुरावे आमच्याकडे आहेत. ते पुरावे घेऊन मी विटा न्यायालयात याचिका दाखल केली आहे. भाजपच्या माधवी पडळकर यांच्या निवडीला आव्हान देण्यात आले असून, आम्ही वेळोवेळी तक्रारी करूनही त्याची दखल घेतली नसल्याने राज्य निवडणूक आयोगालाही या याचिकेत समाविष्ट केले आहे.
Web Summary : Madhavi Padalkar's election as Zilla Parishad member is challenged in Vita court by Shinde Sena's Vidya Mote, alleging coercion and electoral malpractice during the Nimbavade election. Mote claims voter intimidation and demands investigation.
Web Summary : माधवी पाडळकर के जिला परिषद सदस्य के रूप में चुनाव को वीटा कोर्ट में शिंदे सेना की विद्या मोटे ने चुनौती दी है, जिसमें निंबवड़े चुनाव के दौरान जबरदस्ती और चुनावी कदाचार का आरोप लगाया गया है। मोटे ने मतदाता धमकी का दावा किया और जांच की मांग की।