ओळ : इस्लामपूर येथे भगवान महावीर प्रतिमेचे पूजन प्रकाश शहा, भूषण शहा, राजेंद्र पोरवाल, निलेश शहा यांच्याहस्ते करण्यात आले.
लोकमत न्यूज नेटवर्क
इस्लामपूर : कोरोनासारख्या संकट काळात भगवान महावीर यांचे उपदेश जगाला प्रेरक आणि तारक ठरतील, असे मत जैन मुनी जयभानुशेखर यांनी व्यक्त केले. ते इस्लामपूर येथील जैन श्वेतांबर मूर्ती पूजक संघ यांनी आयोजित केलेल्या प्रतिमा पूजन कार्यक्रमात बोलत होते.
महावीर जयंतीनिमित्त जैन संघाचे उपाध्यक्ष प्रकाश शहा, ट्रस्टी भूषण शहा, राजेंद्र पोरवाल, निलेश शहा, प्रदीप शहा, दिनेश पोरवाल, अभय शहा, सुरेश शहा, वीरचंद गांधी, सतीश शहा, जितेंद्र शहा, विजय कपाळे, गणेश पोतदार, पुजारी योगेश, चक्रवर्ती शहा आदींनी उपस्थित राहून भगवान महावीर यांच्या प्रतिमेचे पूजन केले.