खानापूर मतदारसंघातील हातनूर येथील ग्रामपंचायतीच्या निवडणुकीत विजयी झालेल्या नूतन सदस्यांचा सत्कार माजी नगराध्यक्ष पाटील यांच्या हस्ते करण्यात आला. त्याप्रसंगी ते बोलत होते. यावेळी प्रकाश खुजट, किसन पाटील, बाळासाहेब पाटील उपस्थित होते.
माजी नगराध्यक्ष वैभव पाटील यांनी खानापूर मतदारसंघात राष्ट्रवादी कॉँग्रेस पक्षाचे विचार तळागाळापर्यंत पोहोचवून पक्षाला ताकद देण्यासाठी पदाधिकारी व कार्यकर्त्यांनी एकसंघपणे काम केले पाहिजे. हातनूर गावच्या विकासासाठी राष्ट्रवादी कॉँग्रेस पक्ष कोठेही कमी पडणार नाही. पक्ष वाढीसाठी पदाधिकारी व कार्यकर्त्यांच्या पाठीशी ठामपणे उभा राहणार असल्याचे सांगितले.
यावेळी हातनूर ग्रामपंचायतीचे नूतन सदस्य अक्षय घेवारे, प्रभावती पाटील, सुरेखा खुजट, विद्या पाटील यांचा माजी नगराध्यक्ष पाटील यांच्या हस्ते सत्कार करण्यात आला.
या कार्यक्रमास सचिन पाटील, आनंदराव पाटील, रावसाहेब पाटील, जगन्नाथ पाटील, उत्तम पाटील, काशिनाथ पाटील, रावसाहेब माळी, पोपट कोळी यांच्यासह हातनूर येथील ग्रामस्थ उपस्थित होते. प्रकाश खुजट यांनी आभार मानले.
फोटो - २५०१२०२१-विटा-हातनूर सत्कार
ओळ : हातनूर ग्रामपंचायतीच्या नूतन सदस्यांचा सत्कार माजी नगराध्यक्ष वैभव पाटील यांच्या हस्ते करण्यात आला. यावेळी प्रकाश खुजट, बाळासाहेब पाटील, किसन पाटील यांच्यासह ग्रामस्थ उपस्थित होते.