जिल्ह्यात कोरोनाचे ९८८ नवे रुग्ण

सांगली : जिल्ह्यातील कोरोना रुग्णसंख्येत पुन्हा एकदा वाढ होऊ लागली आहे. गुरुवारी दिवसभरात ९८८ जणांना कोरोनाचे निदान झाले, तर परजिल्ह्यातील चौघांसह जिल्ह्यातील २० अशा २४ जणांचा मृत्यू झाला. बाधितांपेक्षा बरे होणाऱ्यांचेही प्रमाण घटले असून, ७७२ जण कोरोनामुक्त झाले. म्युकरमायकोसिसचा नवीन एक रुग्ण आढळला.

जिल्ह्यातील २० जणांचा मृत्यू झाला. त्यात सांगली २, मिरज १, वाळवा ६, पलूस, मिरज तालुक्यातील प्रत्येकी ३, जत २, कडेगाव, तासगाव, कवठेमहांकाळ येथील प्रत्येकी एकाचा समावेश आहे.

आरोग्य यंत्रणेकडून आरटीपीसीआर अंतर्गत २,९०७ जणांच्या नमुन्यांची तपासणी केली, त्यात ३९३ जण बाधित आढळले तर रॅपिड ॲन्टिजनच्या ७,२९८ जणांच्या तपासणीतून ६२५ जण पॉझिटिव्ह आढळले.

यामुळे उपचार घेणाऱ्या रुग्णसंख्येत वाढ झाली असून, सध्या ८,५४४ जण उपचार घेत आहेत. त्यातील १,०३९ जणांची प्रकृती चिंताजनक आहे. त्यातील ९११ जण ऑक्सिजनवर तर १२८ जण व्हेंटिलेटरवर उपचार घेत आहेत. परजिल्ह्यातील चारजणांचा मृत्यू झाला तर ३० नवे रुग्ण उपचारासाठी दाखल झाले.

चौकट

आतापर्यंतचे एकूण बाधित १,३९,८२५

उपचार घेत असलेले ८,५४४

कोरोनामुक्त झालेले १,२७,३१३

आतापर्यंतचे एकूण मृत्यू ३,९६८

पॉझिटिव्हिटी रेट ९.९७

गुरुवारी दिवसभरात

सांगली १४१

मिरज ४४

आटपाडी १८

कडेगाव १०४

खानापूर ५६

पलूस ९३

तासगाव ६५

जत ४०

कवठेमहांकाळ ३३

मिरज तालुका ९२

शिराळा ६८

वाळवा २३४