सांगली : जिल्ह्यात शनिवारी दिवसभरात ९६२ जणांना कोरोनाचे निदान झाले, तर १४ जणांचा मृत्यू झाला. महापालिका क्षेत्रासह पाच ठिकाणी शंभरावर रुग्ण आढळून आले. दरम्यान, जिल्ह्यातील कोरोनाबाधितांच्या संख्येने शनिवारी ६० हजारांचा टप्पा पार केला.
कोरोनाबाधितांची वाढती संख्या शनिवारीही कायम होती. महापालिका क्षेत्रात सर्वाधिक १९९ रुग्ण आढळले आहेत. याशिवाय आटपाडी १०९, कडेगाव १२८, खानापूर १११ आणि वाळवा तालुक्यात १४२ नवे रुग्ण आढळले आहेत.
जिल्ह्यातील विविध रुग्णालयांत सध्या ६६१० रुग्ण उपचार घेत असून, त्यातील ११६९ जणांची प्रकृती चिंताजनक आहे. यातील १०४७ जण ऑक्सिजनवर उपचार घेत आहेत, तर १२२ जण व्हेंटिलेटरवर उपचार घेत आहेत. चिंताजनक रुग्णांच्या संख्येतही शनिवारी वाढ झाली आहे.
प्रशासनाने आरटीपीसीआरअंतर्गत केलेल्या २२८१ जणांच्या नमुन्यांच्या तपासणीतून ६१० जण बाधित आढळले असून, रॅपिड अँटिजनच्या १९०१ जणांच्या तपासणीतून ३८४ जण पॉझिटिव्ह आढळले आहेत.
जिल्ह्यासह सोलापूर ५, कोल्हापूर ८, सातारा ९, कर्नाटक ७, बारामती, दिल्ली आणि पुणे येथील प्रत्येकी एकाला कोरोनाचे निदान झाले आहे.
चौकट
आतापर्यंतचे एकूण बाधित ६०२६५
उपचार घेत असलेले ६६१०
कोरोनामुक्त झालेेले ५१७३७
आतापर्यंतचे एकूण मृत्यू १९१८
शनिवारी दिवसभरात
सांगली १३४
मिरज ६५
वाळवा १४२
कडेगाव १२८
खानापूर १११
आटपाडी १०९
मिरज तालुका ८०
तासगाव ६७
जत ३८
कवठेमहांकाळ ३६
पलूस २८
शिराळा २४
चौकट
मृत्यूसंख्या १९०० वर
जिल्ह्यातील बाधितांच्या संख्येने शनिवारी ६० हजारांचा टप्पा पूर्ण केला. याशिवाय कोरोनाने झालेल्या मृत्यूसंख्येनेही १९००ची संख्या पार केली आहे.