सांगलीत मटकीला अकरा हजाराचा भाव
सांगली : सांगली मार्केट यार्डात निघालेल्या सौद्यामध्ये शुक्रवारी मटकीला प्रति क्विंटल आठ हजार ते दहा हजार ७५० रुपये दर मिळाला आहे. सरासरी नऊ हजार ३७५ रुपये दर मिळाला आहे. मटकीची आवक कमी झाल्यामुळे दर वाढल्याचे व्यापाऱ्यांचे मत आहे.
आवक घटूनही गुळाचा दर ३८३९
सांगली : येथील मार्केट यार्डात या आठवड्यात कोल्हापुरी गुळाची सहा हजार ८५५ क्विंटल आवक झाली होती. मागील आठवड्याच्या तुलनेत ७६२ क्विंटल गुळाची आवक कमी झाली आहे. दोन हजार ८०० ते तीन हजार ८३९ रुपये दर मिळाला आहे. गुळाचा दर वाढत नसल्यामुळे शेतकरी चिंतेत सापडला आहे.
सांगली बसस्थानकात खड्डे
सांगली : येथील मुख्य बसस्थानक आणि परिसरामध्ये मोठ्या प्रमाणात खड्डे पडल्यामुळे चालक आणि प्रवाशांचेही हाल होत आहे. बसस्थानकामध्ये स्वच्छताही दिसत नसल्यामुळे प्रवाशांना त्याचा त्रास होत आहे.