वेस्ट इंडिज संघ हवेत!!!

दुसरा टी-२० वर्ल्ड कप जिंकणाºया वेस्ट इंडिज संघावर जगभरातून कौतुकाचा वर्षाव होत आहे. पण हे यश, हे कौतुक पचवणे कदाचित वेस्ट इंडिज संघाला जड जातेय. विजयाचा उन्माद या संघाच्या कृतीतून दिसू लागला आहे.  मार्लन सॅम्युअल्सच्या वागण्यातून तरी हेच दिसले. विजयी संघाने पत्रपरिषदेला कसे सामोरे जायचे, याचे काही शिष्टाचार आहेत. मात्र मार्लन सॅम्युअल्सल हे भान विसरला आणि पत्रकार परिषदेत तो चक्क टेबलावर पाय ठेवून पत्रकारांना सामोरा गेला. पायातील पॅड आणि बूट काढण्याची तसदीही त्याने घेतली नाही. संपूर्ण पत्रपरिषदेत तो तसाच बसून होता. सॅम्युअलचे हे वागणे त्याचा उन्माद दाखवणारेच होते. त्याचमुळे क्रिकेटमधील अनेक मान्यवरांनी त्याच्यावर जोरदार टीका केली. विजयांचा आनंद निराळा आणि उन्माद निराळा, अशी काहीशी प्रतिक्रिया मान्यवरांनी दिली.